سعودی عرب کے بادشاہ سلمان عبدالعزیز نے اعلان کیا ہے کہ وہ غزہ جنگ میں شہید ہوجانے والے اور قیدیوں کے خاندان سے ایک ہزار فلسطینی مرد و خواتین کی حج ۲۰۲۵ء کی میزبانی کریں گے۔

سعودی عرب کے فرمانروا شاہ سلمان بن عبدالعزیز نے پیر ۱۹؍ مئی کو شہداء، قیدیوں اور زخمیوں کے اہل خانہ سے تعلق رکھنے والے ایک ہزار فلسطینی عازمین حج کی میزبانی کی ہدایت جاری کی ہے۔ اس طرح یہ ایک ہزار افراد ۲۰۲۵ء میں حج کی سعادت حاصل کر سکیں گے۔ خیال رہے کہ یہ اقدام شاہ سلمان کے حج عازمین کے پروگرام کا حصہ ہے، جس کی ہر سال وزارت اسلامی امور، دعوت و رہنمائی کے ذریعے نگرانی کی جاتی ہے۔ ایس پی اے کے مطابق اس پروگرام میں حجاج کی سعودی عرب آمد سے لے کر فلسطین واپسی تک تمام لاجسٹک انتظامات کا احاطہ کیا جائے گا۔

#خادم_الحرمين_الشريفين يصدر توجيهه الكريم باستضافة 1000 حاج وحاجة من ذوي الشهداء والأسرى والجرحى الفلسطينيين على نفقته الخاصة لأداء مناسك حج هذا العام 1446هـ.https://t.co/rAggBlChHe#واس pic.twitter.com/2lJLRAYb7P

— واس الأخبار الملكية (@spagov) May 19, 2025

ایک بیان میں، اسلامی امور، دعوت و رہنمائی کے وزیر شیخ عبداللطیف بن عبدالعزیز آل الشیخ نے کہا کہ یہ اقدام فلسطینی عوام کیلئے مملکت کے عزم اور جاری حمایت کی عکاسی کرتا ہے، اور اس کا مقصد اسلامی بھائی چارے کے رشتوں کو مضبوط بنانا ہے۔ الشیخ نے بتایا کہ اس پروگرام نے ۱۴۱۷؍ ہجری میں اپنے آغاز سے لے کر اب تک مختلف ممالک کے ۶۴؍ ہزار سے زیادہ حجاج کرام کی میزبانی کی ہے۔ یاد رہے کہ اس سال حج سیزن ۴؍ جون سے شروع ہونے کا امکان ہے۔