لیونل میسی نے اسپین کے خلاف ورلڈ کپ فائنل میں شکست کے بعد پہلی بار مسابقتی فٹبال میں واپسی کی، تاہم ان کی ٹیم انٹر میامی سی ایف کو میجر لیگ سوکر (ایم ایل ایس) میں کولمبس کریو کے خلاف ۲۔۲؍گول کے ڈرا پر اکتفا کرنا پڑا۔

لیونل میسی نے اسپین کے خلاف ورلڈ کپ فائنل میں شکست کے بعد پہلی بار مسابقتی فٹبال میں واپسی کی، تاہم ان کی ٹیم انٹر میامی سی ایف  کو میجر لیگ سوکر (ایم ایل ایس) میں کولمبس کریو  کے خلاف ۲۔۲؍گول  کے ڈرا پر اکتفا کرنا پڑا۔

Vuelve a jugar Lionel Messi con Inter Miami, su primer partido desde la Final del Mundo y con 39 años.

Se cae el estadio.

Qué momento. 🥹 pic.twitter.com/Sfq93kqb1r

— Ataque Futbolero (@AtaqueFutbolero) August 2, 2026

ارجنٹائنا کے کپتان میسی ۵۳؍ویں منٹ میں متبادل کھلاڑی کے طور پر میدان میں آئے۔ یہ ورلڈ کپ فائنل کے بعد ان کا پہلا مقابلہ تھا۔ ان کے ہم وطن اورمڈفیلڈر راڈریگو دی پال  نے بھی انٹر میامی کی جانب سے واپسی کرتے ہوئے ابتدا سے کھیل میں حصہ لیا۔ میسی گول کرنے میں کامیاب نہ ہو سکے، تاہم دوسرے ہاف میں انہیں دو اچھے مواقع ملے۔ اضافی وقت کے آخری لمحات میں ان کی ایک کوشش معمولی فرق سے گول پوسٹ کے باہر چلی گئی، جس کے باعث انٹر میامی فتح حاصل نہ کر سکی۔ خراب موسم کے باعث میچ کا آغاز مقررہ وقت سے تقریباً  ۴۰؍منٹ تاخیر  سے ہوا۔
لوئس سواریز کی شاندار فارم برقرار
لوئس سواریز  نے ۱۶؍ویں منٹ میں گول کرکے انٹر میامی کو برتری دلائی۔ یہ ان کا رواں ایم ایل ایس سیزن کا  ۱۰؍واں گول  تھا، جبکہ گزشتہ چار میچوں میں ان کا  ساتواں گول  بھی ثابت ہوا۔ ۳۴؍ویں منٹ میں کولمبس کریو نے اس وقت برابر ی حاصل کی جب انٹر میامی کے کھلاڑی کاسیمیرو نے دفاعی کوشش کے دوران گیند غلطی سے اپنے ہی گول میں پہنچا دی۔  پہلے ہاف کے اختتام سے قبل انٹر میامی نے دوبارہ برتری حاصل کی، جب  ڈیفینڈر نوح ایلن نے سواریز کے کراس پر ہیڈر کے ذریعے سیزن کا اپنا پہلا گول اسکور کیا۔

یہ بھی پڑھئے:گلویر نے چار ملی سیکنڈ کے فرق سے اپنا دوسرا کامن ویلتھ میڈل جیتا

 آخری لمحات میں کولمبس کی واپسی
 کولمبس کریو کے نئے ہسپانوی مڈفیلڈر  بریس مینڈیز  نے، جو ریئل سوسائیڈیڈ سے حال ہی میں ٹیم میں شامل ہوئے ہیں، ۸۴؍ویں منٹ میں شاندار فری کک کے ذریعے گیند جال میں پہنچا کر اسکور ۲۔۲؍ کر دیا اور اپنی ٹیم کو ایک اہم پوائنٹ دلا دیا۔

یہ بھی پڑھئے:سونو نگم کا دعویٰ: کاپی رائٹ کی لڑائی کے بعد ٹی سیریز اور زی میوزک نے مجھ پر پابندی لگا دی

پوائنٹس ٹیبل
 اس ڈرا کے ساتھ انٹر میامی کی  مسلسل چھ فتوحات  کا سلسلہ ختم ہوگیا۔ ٹیم ۱۸؍ میچوں میں ۳۸؍ پوائنٹس  کے ساتھ ایسٹرن کانفرنس میں دوسرے نمبر پر ہے  جبکہ سرفہرست نیشول ایس سی  کے۴۰؍ پوائنٹس ہیں۔ دوسری جانب کولمبس کریو کے ۲۰؍پوائنٹس  ہوگئے اور وہ پلے آف کی دوڑ میں برقرار ہے۔