مدھیہ پردیش کے اجین کے مہاکال مندر میں ہولی کے جشن کے موقع پر آتشزدگی کے سبب پجاریوں سمیت ۱۴؍ افراد زخمی ہوئے ہیں ۔ زخمیوں میں سے ۸؍ افراد کو اندور کے اسپتال داخل کیا گیا ہے جن کی حالت نازک بتائی جا رہی ہے جبکہ دیگر کو ضلعی اسپتال منتقل کیا گیا ہے۔ مدھیہ پردیش کے وزیر اعلیٰ موہن یادونےاسپتال پہنچ کر زخمیوں کی عیادت کی اور ان کیلئے ایک لاکھ روپے معاوضہ کا اعلان کیا۔ وزیر اعظم نریندر مودی اور وزیر داخلہ امیت شاہ نے ایکس کے ذریعے حادثے پر اظہار افسوس کیا۔

حکام کے مطابق اترپردیش کے اجین کے مہاکال مندر میں بھسم آرتی کے دوران آتشزدگی کے سبب ۱۴؍ پجاری، جن میں ’’سیوک‘‘ بھی شامل ہیں، زخمی ہو گئے ہیں۔ اجین کے کلیکٹر نیرج کمار سنگھ نے حادثے کے تعلق سے بتایا کہ یہ حادثہ مندر کے گربا گرہا میں صبح ۵؍ بجکر ۵۰؍ منٹ پر پیش آیا ہے۔ حادثے کے سبب ۱۴؍ افراد زخمی ہوئے ہیں جن میں سے متعدد افراد کا علاج ضلعی اسپتال میں جاری ہے جبکہ ۸؍ افراد کو اندور کے اسپتال میں علاج کیلئے بھرتی کیا گیا ہے۔ 
حادثے میں مجسٹریٹ کارروائی کا حکم دیا گیا ہے۔ یہ تفتیش ضلع پنچایت کے سی ای او مرینال مینا اور ایڈیشنل کلیکٹر انوکھول جین کی نگرانی میں انجام دی جائے گی اور تین دنوں کے اندر اس کی رپورٹ داخل کی جائے گی۔ آتشزدگی، پوجا کی تھالی میں ‘‘گلال‘‘ گرنے کے سبب پیش آئی جس میں کافور رکھا ہوا تھا۔ بعد ازیں آگ منزلے پر پھیل گئی۔
وزیر اعظم نریندر مودی نے اپنے ایکس پوسٹ میں حادثے کے تعلق سے لکھا ہے کہ اجین کے مہاکال ٹیمپل میں پیش آنے والا حادثہ دردناک تھا۔ میں زخمیوں کی جلد صحت یابی کیلئے دعا گو ہوں۔ ریاستی حکومت کی نگرانی میں مقامی انتظامیہ زخمیوں کو ہر ممکن مدد فراہم کرنے کی کوشش کر رہی ہے۔

उज्जैन के महाकाल मंदिर में हुई दुर्घटना अत्यंत पीड़ादायक है। इस हादसे में घायल सभी श्रद्धालुओं के शीघ्र स्वस्थ होने की कामना करता हूं। राज्य सरकार की देखरेख में स्थानीय प्रशासन पीड़ितों की हरसंभव मदद में जुटा है: PM @narendramodi

— PMO India (@PMOIndia) March 25, 2024

بھوپال میں رپورٹرس سے بات چیت کرتے ہوئے اترپردیش کے وزیر اعلیٰ موہن یادو نے کہا کہ گربا گرہا کیسلور دیواروں کو ہولی کے رنگوں سے محفوظ رکھنے کیلئے اس پرکپڑے دھانکے گئے تھےاور اب تک یہ واضح نہیں ہے کہ آرتی تھالی پر گلال پھینکنے کے بعد آتشزدگی کا واقعہ پیش آیا یا یہ گلال کا کسی کیمیکل پر ردعمل کا اظہار تھا۔
یادو نے اجین پہنچے کے بعد رپورٹرس سے گفتگو کرتے ہوئے کہا کہ زخمیوں کو ایک لاکھ کا معاوضہ اور ان کیلئے بہترین علاج کی سہولت فراہم کی جائے گی۔انتظامیہ جدوجہد کر رہی ہے کہ آئندہ اس طرح کا کوئی حادثہ درپیش نہ آئے۔
انہوں نے مزید کہا کہ ہماری اولین ترجیح زخمیوں کو بہترین علاج فراہم کرنا ہے۔مہاکال کے فضل سے کوئی بھی فوت نہیں ہوا۔ ہولی کے رنگوں کے سبب ڈاکٹروں کو زخموں کی شناخت کرنے میں پریشانی کا سامنا کرنا پڑرہا ہے۔

مدھیہ پردیش کے وزیر اعلیٰ موہن یادو زخمیوں کی عیادت کرتے ہوئے۔ تصویر: پی ٹی آئی
حکام کے مطابق ٹیمپل میں لگے سی سی ٹی وی میں یہ حادثہ ریکارڈ ہوا ہے۔ پادری اشیش نے رپورٹرس کو بتایا کہ ہولی کے جشن پر گلال اڑانے کے بعد یہ حادثہ پیش آیاجس کے سبب پادر ی زخمی ہوئے اور انہیں ضلعی اسپتال منتقل کیا گیا۔حکام کے مطابق ٹیمپل میں اس وقت بڑی تعداد میں لوگ موجود تھے لیکن کوئی بھی زخمی نہیں ہوا۔ 
اس درمیان ڈاکٹرونود بھنڈاری، جو اندور کے سری اوروبنو انسٹی ٹیوٹ آف میڈیکل سائنس (ایس اے آئی ایم ایس) کے صدر ہیں، نے خبررساں ایجنسی پی ٹی آئی کو بتایا کہ ۸؍ افراد کو ان کے اسپتال میں بھرتی کیا گیا ہے۔ انہیں ۳۵؍ تا۴۰؍ فیصد زخم آئے ہیں اور ان کی حالت نازک ہے۔
شہری ترقیات اور ہاؤسنگ کے وزیر کیلاش وجے وارگیا زخمیوں کی عیادت کیلئے ایس اے آئی ایم اسپتال پہنچے تھے۔
 مرکزی وزیر داخلہ امیت شاہ نے اپنے ایکس پوسٹ میں لکھا ہے کہ انہوں نے مدھیہ پردیش کے وزیر اعلیٰ سے حادثے کے تعلق سے بات چیت کی ہے اور انتظامیہ سے زخمیوں کو ہر ممکن مدد فراہم کرنے کی ہدایت دی ہے۔

उज्जैन के श्री महाकाल मंदिर में आग लगने की घटना के संबंध में मुख्यमंत्री श्री @DrMohanYadav51 जी से बात कर जानकारी ली। स्थानीय प्रशासन घायलों को सहायता व उपचार उपलब्ध करवा रहा है। मैं बाबा महाकाल से घायलों के शीघ्र स्वस्थ होने की कामना करता हूँ।

— Amit Shah (Modi Ka Parivar) (@AmitShah) March 25, 2024