مہوا موئترا نے الزام لگایا ہے کہ انہیں کولکاتا سے دہلی جانے والی انڈیگو کی پرواز میں مرد مسافروں کے ایک گروپ نے ہراساں کیا۔ ٹی ایم سی رکن پارلیمنٹ کے مطابق، کچھ افراد نے فلائٹ کے اندر سیاسی نعرے لگائے، ویڈیوز بنائیں اور ان کے خلاف مبینہ طور پر توہین آمیز زبان استعمال کی۔ موئترا نے ڈی جی سی اے اور ایئرلائن حکام کو باضابطہ شکایت بھیجتے ہوئے الزام لگایا کہ کیبن عملہ صورتحال پر قابو پانے میں ناکام رہا۔ اپوزیشن جماعتوں کے کئی لیڈروں نے واقعے کی مذمت کرتے ہوئے سخت کارروائی کا مطالبہ کیا ہے۔

مہوا موئترا نے جمعرات کو الزام لگایا کہ انہیں انڈیگو کی ایک پرواز میں مرد مسافروں کے ایک گروپ کی جانب سے ہراساں کیا گیا، جب وہ پارلیمانی اسٹینڈنگ کمیٹی برائے دفاع کی میٹنگ میں شرکت کے لیے دہلی جا رہی تھیں۔ ٹی ایم سی رکن پارلیمنٹ نے ایکس پر جاری ایک پوسٹ میں کہا کہ یہ واقعہ فلائٹ ۶؍ ای ۷۱۹؍ میں کولکاتا سے دہلی کے سفر کے دوران پیش آیا۔ مہوا موئترا کی جانب سے شیئر کی گئی ویڈیو میں مبینہ طور پر کچھ مسافروں کو ’’ٹی ایم سی چور‘‘ اور ’’جے شری رام‘‘ جیسے نعرے لگاتے ہوئے سنا جا سکتا ہے۔

I strongly condemn the harassment of my fellow MP @MahuaMoitra onboard an IndiGo flight. An aircraft is not a political rally, and intimidation, slogan-shouting and filming a woman MP inside a flight is unacceptable. DGCA and IndiGo must act firmly. Unruly passengers must face… https://t.co/gbFCifMSHI

— Dr Md Jawaid (@DrMdJawaid1) May 8, 2026

موئترا نے الزام لگایا کہ ’’چار سے چھ افراد‘‘ پر مشتمل ایک گروپ نے انہیں فلائٹ میں پہچاننے کے بعد سیاسی نعرے بازی شروع کی اور طیارے کے اترنے کے بعد بھی صورتحال جاری رہی، جب مسافر ابھی جہاز سے نہیں اترے تھے۔ انہوں نے اس واقعے کو ’’شہری غصہ‘‘ کے بجائے ’’ہراسانی‘‘ قرار دیتے ہوئے کہا کہ بند طیارے کے اندر ان کی حفاظت متاثر ہوئی۔ اپنی باضابطہ شکایت میں، جو انہوں نے ڈی جی سی اے، مرکزی وزیر شہری ہوا بازی اور انڈیگو حکام کو بھیجی، موئترا نے لکھا کہ انہیں ایک بند طیارے میں زبانی طور پر نشانہ بنایا گیا جہاں ان کے پاس اس صورتحال سے نکلنے کا کوئی راستہ موجود نہیں تھا۔ شکایت کے مطابق، مبینہ طور پر مسافروں نے سیاسی نعرے لگائے، ان اور ان کی جماعت کے خلاف توہین آمیز الفاظ استعمال کیے، موبائل فون سے ویڈیوز ریکارڈ کئے اور دوسرے مسافروں کو بھی اس رویے میں شامل ہونے پر اکسانے کی کوشش کی۔

So here is the official complaint @IndiGo6E and @RamMNK @DGCAIndia - please inform me of action taken. Regards. (1/2) pic.twitter.com/93tRx6izp4

— Mahua Moitra (@MahuaMoitra) May 7, 2026

موئترا نے دعویٰ کیا کہ یہ سب کچھ ’’پہلے سے منصوبہ بند‘‘ معلوم ہوتا تھا تاکہ ویڈیوز کو بعد میں سوشل میڈیا پر وائرل کیا جا سکے۔ انہوں نے یہ بھی الزام لگایا کہ کیبن عملہ سول ایوی ایشن کے قواعد کے تحت ضروری کارروائی کرنے میں ناکام رہا اور ’’خاموش تماشائی‘‘ بنا رہا۔ ٹی ایم سی ایم پی نے مطالبہ کیا کہ ملوث افراد کی شناخت کی جائے، فلائٹ کی سی سی ٹی وی اور دیگر ریکارڈنگ محفوظ رکھی جائے اور مبینہ ذمہ داروں کو قومی نو فلائی لسٹ میں شامل کیا جائے۔ انہوں نے ڈیوٹی میں مبینہ غفلت پر کیبن عملے کے خلاف تادیبی کارروائی کا مطالبہ بھی کیا۔ اپنی شکایت میں موئترا نے سابقہ نو فلائی مقدمات کا حوالہ دیتے ہوئے کہا کہ ایسے ہی اصول موجودہ کیس میں بھی لاگو ہونے چاہئیں۔
واقعے پر اپوزیشن جماعتوں کے لیڈروں نے شدید ردعمل ظاہر کیا۔ محمد جاوید نے کہا کہ ’’طیارہ کوئی سیاسی ریلی نہیں ہے‘‘ اور اس میں ملوث افراد کے خلاف سخت کارروائی ہونی چاہیے۔ پون کھیڑا نے کہا کہ ’’یہ افسوسناک ہے کہ ملک گزشتہ دہائی میں یہاں تک پہنچ گیا ہے۔‘‘ جبکہ عمران پرتاپ گڑھی نے سوال اٹھایا کہ کیا ہوائی سفر بھی اب ’’ٹرین کی طرح غیر محفوظ‘‘ ہو جائے گا۔ سنجے سنگھ نے بھی واقعے کی مذمت کرتے ہوئے بی جے پی پر سخت تنقید کی۔

ALERT! i travelled to Delhi today on official work to attend meeting of Parliamentary Standing Committee on Defence. Was on seat 1F on 6E 719. 4-6 men boarded in a group & leered at me & went to back of plane. When flight landed & before doors opened this is what they did &… pic.twitter.com/QE0SwrUY8I

— Mahua Moitra (@MahuaMoitra) May 7, 2026

یہ واقعہ ایسے وقت میں سامنے آیا ہے جب مغربی بنگال میں سیاسی کشیدگی بڑھ چکی ہے۔ حالیہ اسمبلی انتخابات میں بی جے پی نے تاریخی کامیابی حاصل کرتے ہوئے ریاست کی ۲۹۴؍ نشستوں میں سے ۲۰۶؍ پر کامیابی حاصل کی، جس کے بعد کئی اضلاع میں سیاسی تشدد اور توڑ پھوڑ کی اطلاعات بھی سامنے آئیں۔