سلطان عبداللہ نےملائیشیا کےعوام کو یاد دلایا کہ اتحاد اور ہم آہنگی ہی عوام کی بھلائی کی کلید ہے۔

 ملائیشیا نے جمعرات کوپریڈ، آتش بازی اور بڑے پیمانے پر تقریبات کے انعقاد کے ساتھ یوم آزادی کی ۶۶؍ ویں سالگرہ منائی۔یادرہے کہ ملائیشیا نے ۳۱؍ اگست۱۹۵۷ء کو برطانیہ سے آزادی حاصل کی تھی۔میڈیارپورٹس کے مطابق ملائیشیا کے ہزاروں باشندوں نے بدھ کی رات دیر گئے حب الوطنی کے گیت گا کر اور دیگر تقریبات کے ذریعہ یوم آزادی کا جشن منایا اور اس جشن کا اختتام جمعرات کی صبح پتراجایا کے انتظامی مرکز میں بادشاہ سلطان عبداللہ سلطان احمد شاہ کی نگرانی میں پریڈ کے ساتھ ہوا۔ ملائیشیاکے بادشاہ کے ساتھ وزیر اعظم انور ابراہیم، کابینہ کے اراکین اور دیگر حکام بھی تقریب میں شامل تھے۔ آزادی پریڈ میں رقاصوں اور دیگر فنکاروں کے علاوہ ہزاروں فوجی اور سویلین اہلکاروں نے شرکت کی۔
سلطان عبداللہ نے ملائیشیاکے عوام کو یاد دلایا کہ اتحاد، ہم آہنگی اور عوام کی بھلائی ہی جنوب مشرقی ایشیائی قوم کی کلید ہے۔