اسٹینڈ اپ کامیڈین معصوم راجوانی نے تقریباً ایک دہائی میں نہ صرف کامیڈی کرنے کا انداز بدلا بلکہ آخر کار ہنسنے کے لیے تیار سامعین بھی پا لیے۔ ان کا سفر پولیس اسٹیشن کے باہر معافی مانگنے سے لے کر احمد آباد میں بھرپور قہقہوں تک پھیلا ہوا ہے۔
EPAPER
Updated: November 22, 2026, 10:08 PM IST | Mumbai
اسٹینڈ اپ کامیڈین معصوم راجوانی نے تقریباً ایک دہائی میں نہ صرف کامیڈی کرنے کا انداز بدلا بلکہ آخر کار ہنسنے کے لیے تیار سامعین بھی پا لیے۔ ان کا سفر پولیس اسٹیشن کے باہر معافی مانگنے سے لے کر احمد آباد میں بھرپور قہقہوں تک پھیلا ہوا ہے۔
اسٹینڈ اپ کامیڈین معصوم راجوانی نےاپنی ۲۳؍ویں سالگرہ سے تین ماہ قبل پولیس اسٹیشن کے باہر سر جھکائے کھڑے تھے، جب ناراض لوگ ان کے لطیفے انہیں دہرا کر سنا رہے تھے۔ ان کی کامیڈی سے ناراض دائیں بازو کے ایک شخص نے پوچھا کہ کیا ان کے والد کا نام بھگوان ہے، اور ان کے ایک لطیفے پر احتجاج کیا۔ چھ سات لوگوں نے انہیں گھیر رکھا تھا۔ ایک نے تحریری معافی کا مطالبہ کیا، ایک خاتون نے مذہب کی توہین کا الزام لگایا۔ راجوانی زیادہ تر خاموش رہے اور قمیض کے بٹنوں سے کھیلتے رہے۔شروع میں راجوانی کا مقصد صرف مخالفت کرنا تھا۔ ان کی مہارت ’’غیر قانونی لطیفے‘‘ تھے، جن کا مقصد مذہبی جذبات کو ٹھیس پہنچانا، خواتین کی حیا کو مجروح کرنا اور ملک کی خودمختاری کو چیلنج کرنا بتایا جاتا تھا۔ ان کی ابتدائی ورک بک میں اسلام، ذہنی معذوری، فیمنزم، گوڈسے، نہرو، ماہواری، خدا اور مخرب الاخلاق جیسے موضوعات تھے۔ وہ کہتے ہیں، ’’میں بے وقوف تھا، میں ہر چیز کو چیلنج کرنا چاہتا تھا۔‘‘
یہ بھی پڑھئے: گوونڈی: ۱۴؍ فٹ سے زیادہ اونچے جھوپڑوں کو نوٹس، مقامی افراد میں بے چینی
دسمبر۲۰۱۹ء میں شہریت ترمیمی قانون کے بعد دہلی میں ہونے والے مظالم ان کے لیے موڑ ثابت ہوئے۔ ان کا اضطراری اختلاف نفرت اور پھر سنجیدہ سیاسی شعور میں بدل گیا۔ انہوں نے ذات پر کتابیں پڑھیں، پوڈ کاسٹ سنے اور منافقت کو سمجھا۔ انہیں احساس ہوا کہ پولیس اسٹیشن کے باہر ہونے والا احتجاج غیر مخلص تھا۔اس کے بعد راجوانی نے روزانہ لکھنا شروع کیا، بمبئی کی زبان میں لطیفے تراشے، الفاظ کی آواز اور خاموشی پر توجہ دی۔ وہ ایک رات میں ممبئی کے شمالی مضافات میں تین چھوٹے شوز کرتے۔ آمدنی اتنی کم تھی کہ باندرا میں مقام پر توڑ پھوڑ کرنے کے لیے غنڈوں کو فنکاروں سے روپے زیادہ ملے۔ تاہم کوئی برانڈ، کوئی کالج فیسٹیول، کوئی اسٹریمنگ شو انہیں نہیں ملا۔
بعد ازاں حالیہ دنوں میں کامیڈین کو لاحق خطرے کے حساب سے انہوں نے اپنی زبان بدلی۔ بھگوان کی جگہ ’اوپر والا‘ استعمال کرنے لگے، کیونکہ ان کے مطابق دائیں بازو کے انتہا پسند ،لطیفے کے متن کے پیچھے نہیں بلکہ کلیدی لفظ کی مخالفت کرتے ہیں۔ وہ سامعین سے فون کیمرے بند رکھنے کو کہتے، سیاہ پس منظر پر پرفارم کرتے ساتھ ہی لطیفے دہلی میں اپنے وکیل کو منظوری کے لیے بھیجتے۔ ان کا کہنا ہے کہ پولیس اسٹیشن میں دباؤ اس وقت کم ہوا جب افسران کو معلوم ہوا کہ وہ مسلمان نہیں ہیں۔ راجوانی خود کو ’سرگرمی کے لیے اربن کلاپ‘ کہتے ہیں۔ ان کے مطابق سامعین سیاسی سرگرمی کو آؤٹ سورس کرتے ہیں کیونکہ وہ نتائج کا سامنا نہیں کرنا چاہتے۔
یہ بھی پڑھئے: میرا بھائندر کی ریشماں کٹے نے پہلی خاتون فل آئرن مین کا خطاب جیتا
۸؍ اگست۲۰۲۶ء کو احمد آباد میں ان کا سولو شو اس تبدیلی کا ثبوت بنا۔ آر ایس ایس اور بی جے پی پر لطیفوں پر گجراتی ہجوم نے قہقہے لگائے۔ انہوں نے کہا، ’’اسٹینڈ اپ ایک نوکری ہے، ایک سروس انڈسٹری ہے۔ اگر لطیفہ پسند نہیں تو پیسےواپس مانگیں، پولیس اسٹیشن نہ جائیں۔‘‘ ایک شو میں آخر میں ایک شخص نے ’’آئے گا تو مودی ہی!‘‘ کا نعرہ لگایا، لیکن۸۶؍ میں سے۸۵؍ لوگ ہنس رہے تھے۔ برسوں بعد آخر کار وہ ہنس رہے تھے۔ جبکہ معصوم رجواڑی کامیڈی کا انداز بدل چکا تھا۔