ارجنٹائنا کے عظیم فٹبالر اور انٹر میامی کے کپتان لیونل میسی نے امریکی فٹبال لیگ ’میجر لیگ سوکر‘ (MLS) میں ایک اور تاریخی کارنامہ انجام دے دیا ہے۔ وہ لیگ کی تاریخ میں مسلسل دو سیزن گولڈن بوٹ کا خطاب جیتنے والے پہلے کھلاڑی بن گئے ہیں۔

ارجنٹائنا کے عظیم فٹبالر اور انٹر میامی کے کپتان لیونل میسی نے امریکی فٹبال لیگ ’میجر لیگ سوکر‘ (MLS) میں ایک اور تاریخی کارنامہ انجام دے دیا ہے۔ وہ لیگ کی تاریخ میں مسلسل دو سیزن گولڈن بوٹ کا خطاب جیتنے والے پہلے کھلاڑی بن گئے ہیں۔ میسی نے ۲۰۲۶ء کے سیزن میں شاندار کارکردگی کا مظاہرہ کرتے ہوئے ۳۱؍ میچوں میں مجموعی طور پر ۲۶؍ گول اسکور کیے اور مسلسل دوسری مرتبہ لیگ کے سب سے زیادہ گول کرنے والے کھلاڑی کا اعزاز حاصل کیا۔ اس سے قبل انہوں نے ۲۰۲۵ء کے سیزن میں ۲۹؍ گول کرکے گولڈن بوٹ اپنے نام کیا تھا۔ اس طرح میسی نے مسلسل دو سال اپنی گول اسکور کرنے کی صلاحیت کا لوہا منواتے ہوئے ایم ایل ایس کی تاریخ میں ایک نیا ریکارڈ قائم کردیا ہے۔ 
۳۹؍ سالہ میسی نے ۲۰۲۶ء کے باقاعدہ سیزن میں ۲۶؍ گول اسکور کرکے گولڈن بوٹ کی دوڑ میں پہلی پوزیشن حاصل کی۔ ایف سی ڈیلاس کے پیٹر موسیٰ ۲۲؍ گول کے ساتھ دوسرے نمبر پر رہے جبکہ نیشویل ایس سی کے سیم سیرج ۲۱؍ گول کے ساتھ تیسرے مقام پر رہے۔ اس طرح میسی نے اپنے قریبی حریف سے چار گول زیادہ کرکے یہ اعزاز حاصل کیا۔ میسی کی کارکردگی صرف گول اسکور کرنے تک محدود نہیں رہی بلکہ انہوں نے ۱۷؍ گول کرنے میں اپنے ساتھی کھلاڑیوں کی مدد بھی کی۔ اس طرح پورے سیزن میں ان کی مجموعی گول شراکت داری ۴۳؍ رہی، جو لیگ میں سب سے زیادہ ہے۔ 

یہ بھی پڑھئے:ناگپور: چوکیدار کی اسامی کیلئے گریجویٹ اور پوسٹ گریجویٹ امیدوار بھی میدان میں!

میسی نے ۲۰۲۵ء میں ۲۹؍ اور ۲۰۲۶ء میں ۲۶؍ گول اسکور کیے۔ اس طرح وہ ایم ایل ایس کی تاریخ میں مسلسل دو سیزن میں کم از کم ۲۵؍ گول کرنے والے دوسرے کھلاڑی بھی بن گئے ہیں۔ ان دونوں سیزن میں ان کے مجموعی گول کی تعداد ۵۵؍ ہوگئی ہے۔ مزید یہ کہ میسی نے ۲۰۲۶ء کے سیزن میں ۲۶؍ گول میں سے ۲۵؍ گول پنالٹی کے بغیر اسکور کیے، جو ایم ایل ایس کی تاریخ میں ایک سیزن کے دوران پنالٹی کے بغیر کیے گئے دوسرے سب سے زیادہ گول ہیں۔ اس معاملے میں ان کا اپنا ۲۰۲۵ء کا ریکارڈ ۲۸؍ گول کے ساتھ پہلے نمبر پر ہے۔

🚨🇺🇸 OFFICIAL: Lionel Messi wins the MLS Golden Boot 2026 and becomes the first player ever to win it back to back. 👟✨ 2025 — 29 goals in 28 games 👟✨ 2026 — 26 goals in 31 games https://t.co/0nNCzSP9lb

— Fabrizio Romano (@FabrizioRomano) November 8, 2026

 مسلسل دو مرتبہ گولڈن بوٹ جیتنے کے ساتھ میسی ایم ایل ایس کی تاریخ میں یہ اعزاز دو مرتبہ حاصل کرنے والے چھٹے کھلاڑی بھی بن گئے ہیں۔ ان سے قبل پریکی، ٹیلر ٹوئلمین، جیف کننگھم، بریڈلی رائٹ فلپس اور دیگر کھلاڑی مختلف سیزن میں یہ اعزاز حاصل کرچکے ہیں، تاہم کوئی بھی کھلاڑی مسلسل دو سیزن میں گولڈن بوٹ برقرار رکھنے میں کامیاب نہیں ہوسکا تھا۔ لیونل میسی کا شمار دنیا کے عظیم ترین فٹبال کھلاڑیوں میں ہوتا ہے۔ انہوں نے اپنے کریئر میں بارسلونا کی جانب سے کھیلتے ہوئے متعدد ریکارڈ قائم کیے اور آٹھ مرتبہ بیلن ڈی اور کا اعزاز حاصل کیا۔ اس کے علاوہ وہ یورپی گولڈن شو چھ مرتبہ جیت چکے ہیں۔

یہ بھی پڑھئے:سنجیو کمار کریئر بنانے سے قبل ڈراموں کیلئے اسٹیج پر پردے کھینچا کرتے تھے

جولائی ۲۰۲۳ء میں انٹر میامی سے وابستہ ہونے کے بعد میسی نے امریکی فٹبال کو بھی نئی پہچان دی۔ ان کی قیادت میں انٹر میامی نے لیگس کپ ۲۰۲۳ء، سپورٹرز شیلڈ ۲۰۲۴ء اور ایم ایل ایس کپ ۲۰۲۵ء جیسے اہم اعزازات حاصل کیے۔ میسی نے مسلسل دو مرتبہ لینڈن ڈونووین ایم ایل ایس ایم وی پی کا خطاب بھی جیتا ہے۔ اب مسلسل دو سیزن گولڈن بوٹ حاصل کرکے انہوں نے امریکی فٹبال میں اپنی برتری مزید مستحکم کردی ہے۔  باقاعدہ سیزن میں شاندار کارکردگی کے بعد انٹر میامی کی نظریں اب ایم ایل ایس کپ پلے آف پر مرکوز ہیں۔ ٹیم نے ایسٹرن کانفرنس میں دوسری پوزیشن حاصل کی ہے اور پہلے مرحلے میں اس کا مقابلہ کولمبس کریو سے ہوگا۔ میسی کی موجودہ فارم کو دیکھتے ہوئے شائقین کو امید ہے کہ وہ پلے آف میں بھی اپنی گول اسکور کرنے کی صلاحیت کا مظاہرہ کریں گے اور انٹر میامی کو ایک اور بڑی کامیابی دلانے میں اہم کردار ادا کریں گے۔لیونل میسی کا یہ نیا ریکارڈ اس بات کا ثبوت ہے کہ ۳۹؍ سال کی عمر میں بھی ان کی فٹبال صلاحیت، گول کرنے کی مہارت اور کھیل پر گرفت برقرار ہے۔ مسلسل دو مرتبہ گولڈن بوٹ جیت کر انہوں نے ایک بار پھر ثابت کردیا ہے کہ ان کا شمار فٹبال کی تاریخ کے عظیم ترین کھلاڑیوں میں کیوں ہوتا ہے۔