’’کنگ آف پاپ‘‘ مائیکل جیکسن کی بایوپک ’’مائیکل‘‘، جسے اینٹوان فوکوا نے ہدایت دی ہے اور جس میں جعفر جیکسن مرکزی کردار میں ہیں، کو ابتدا میں خراب ریویوز ملے۔ ۱۶۲؍ ریویوز کی بنیاد پر اسے روٹن ٹماٹوز پر ناقدین کی جانب سے صرف ۴۱؍ فیصد ریٹنگ ملی۔

’’کنگ آف پاپ‘‘ مائیکل جیکسن کی بایوپک ’’مائیکل‘‘، جسے اینٹوان فوکوا نے ہدایت دی ہے اور جس میں جعفر جیکسن مرکزی کردار میں ہیں، کو ابتدا میں خراب ریویوز ملے۔ ۱۶۲؍ ریویوز کی بنیاد پر اسے روٹن ٹماٹوز پر ناقدین کی جانب سے صرف ۴۱؍ فیصد ریٹنگ ملی۔ اس کے بعد سوشل میڈیا پر کئی صارفین، جن میں مائیکل جیکسن کے خاندان کے کچھ افراد بھی شامل تھے، ناقدین پر تنقید کرنے لگے اور الزام لگایا کہ وہ جانبدار ہیں۔ اب جب فلم بالآخر سنیما گھروں میں ریلیز ہو چکی ہے تو ’’مائیکل‘‘کی آڈیئنس ریٹنگ سامنے آ گئی ہے اور ردعمل غیر معمولی ہے۔

یہ بھی پڑھئے:مونٹ سینٹ مشیل جزیرہ، فرانس: دن بھر میں دو مرتبہ دنیا سے علاحدہ ہوجاتا ہے

روٹن ٹماٹوز پر’’مائیکل‘‘ کو زبردست ۹۶؍ فیصد آڈیئنس اسکور ملا
۱۰۰۰؍ سے زائد عام ناظرین نے ’’مائیکل‘‘ کو ایک شاندار فلم قرار دیا، جس کا اظہار اس کی آڈیئنس ریٹنگ میں ہوا جو کہ ۹۶؍ فیصد ہے۔یہ اس سے پہلے کی بہترین میوزیکل بایوپک’’ایلوس‘‘ (۹۴؍ فیصد) سے بھی کہیں زیادہ ہے۔ ریکارڈ توڑ آڈیئنس ریٹنگ پر ردعمل دیتے ہوئے، مائیکل جیکسن کے بھتیجے ٹی جے جیکسن نے لکھا’’مائیکل‘‘کی پوری ٹیم کو مبارک ہو۔ آپ سب نے شاندار کام کیا۔ پروڈکشن ٹیم سے لے کر اداکاروں اور عملے تک، سب نے بہترین کارکردگی دکھائی۔ آپ سب داد کے مستحق ہیں۔ یہ کامیابی واقعی آپ کے لائق ہے۔ #michaelmovie”
ایک اور صارف نے کہا کہ ’’ہم ایک نسلوں کی جنگ دیکھنے جا رہے ہیں تمام ناظرین بمقابلہ روایتی میڈیا۔ میں یہ نہیں کہہ رہا کہ مائیکل ایک شاہکار ہے، لیکن یہ ان بے شمار مثالوں میں سے ایک ہے جہاں میڈیا مائیکل جیکسن کی زندگی کو خراب کرنے کی کوشش کرتا ہے۔ یہ میڈیا کی طرف سے شدید نفرت ہے۔ اس فلم کی کامیابی انہیں جلا دے گی۔‘‘

یہ بھی پڑھئے:پرشانت نیل اور جونیئر این ٹی آر کی فلم ۱۱؍ جون ۲۰۲۷ء کو ریلیز ہوگی

ایک تیسرے صارف نے تبصرہ کیا’’یہ شاید ناقدین کی سب سے بڑی شکست ہو سکتی ہے۔‘‘چوتھے صارف نے لکھاکہ ’’
’’مائیکل‘‘نے باضابطہ طور پر’’ایلوس‘‘ (۹۴؍ فیصد) کو پیچھے چھوڑ کر روٹن ٹماٹوز پر سب سے زیادہ آڈیئنس ریٹنگ والی بایوپک کا اعزاز حاصل کر لیا ہے۔‘‘ توقع ہے کہ’مائیکل‘ میوزیکل بایوپکس کے اوپننگ ویک اینڈ کے ریکارڈ (بوہیمین ریپسڈی) کو توڑ دے گی اور عالمی باکس آفس پر ۱۵۰؍ ملین ڈالر سے زیادہ جبکہ امریکہ میں تقریباً۸۰؍ ملین ڈالر تک کما سکتی ہے، اور بایوپک صنف کی سب سے بڑی مقامی اوپنر فلم ’’اوپن ہائمر‘‘ کو چیلنج کر سکتی ہے۔