گورائی بیچ پر  مما نعت کے باوجود سیاحوں سے بھری ایک بس وہاں  داخل ہوئی تو ہائی ٹائیڈ کے سبب اچانک اٹھنے والے اونچی اور تیز لہر بس کو اپنے ساتھ بہا لے گئی۔

گورائی بیچ پر  مما نعت کے باوجود سیاحوں سے بھری ایک بس وہاں  داخل ہوئی تو ہائی ٹائیڈ کے سبب اچانک اٹھنے والے اونچی اور تیز لہر بس کو اپنے ساتھ بہا لے گئی۔ یہ دیکھ کر مقامی باشندوں ، پولیس اور کوسٹ گارڈ نے  بس کو کافی مشقت کے بعد کنارے تک لانے میں کامیابی حاصل کی   ۔گورائی بیچ کے اطراف  چند ہوٹل اور بنگلےسیاحوں کیلئے بنائے گئے ہیں۔   ایک بنگلہ میں قیام کرنے اورتفریح کیلئے آنے والے ایک گروپ جس میں ایک خاتون بھی شامل تھی ،منی بس میں بنگلہ کے عقبی راستہ سے ساحل پر داخل ہوئے   ۔ اس وقت سمندر میں ہائی ٹائیڈ تھا اور تیز لہریں ساحل  پر پتھروں سے ٹکرا رہی تھیں، اس کے باوجود ڈرائیور بس کو ساحل تک لے گیا  تبھی اچانک اٹھنے والے ایک تیز لہر بس کو سمندر میں کھینچ لے گئی ۔ تاہم  ڈرائیور بس سے کود گیا اور کنارے پر آکر مقامی افراد کو مدد کیلئے پکارنے لگا۔  صبح ۱۰؍ بجےیہ حادثہ پیش آیا ،اس وقت لائف گارڈز بھی اپنی جگہ پر موجود نہیں تھے ۔   ڈرائیور کی مدد کی پکار سن کر مقامی لوگوں نے پولیس کو اطلاع دی اور ۶؍ سیاحوں سے بھری منی بس کو کنارے پر لانے کی کوشش کرنے لگی ۔ اسی درمیان پولیس اور کوسٹ گارڈ کے جوان بھی وہاں پہنچ گئے اور بڑی مشقت کے بعد منی بس اور مسافروں کو بحفاظت کنارے پر لانے میں کامیاب ہوئے ۔بعد ازیں پولیس نے منی بس ڈرائیور اور بس مالک کے خلاف ممانعت کے باوجود ساحل پر بس لے جانے ، اپنی اور دوسروں کی جان  خطرے میں ڈالنے کا کیس درج کرلیا ۔ اس معاملہ میں ڈرائیور کو گرفتار نہیں کیا گیا ہے ۔