تربھے کی الحسنات اردو اسکول کے طلبہ حسن رضا اور اعیان خان کی ٹیم نے کامیابی کے ساتھ ۲۱؍ سیکنڈ میں سرکٹ مکمل کیا.

بین الاقوامی سطح پر منعقد کئے جانے والے روبوٹک چمپئن شپ ’’ٹیکنوزیَن‘‘ مقابلے میں الحسنات اینگلو اردو اسکول (تربھے، نوی ممبئی) کے ہونہار طلبہ حسن رضا (آٹھویں جماعت) اور اعیان خان (ساتویں جماعت) کی ٹیم نے تیسری پوزیشن  حاصل کرکے تاریخ رقم کردی ہے۔ 

 

 

 

 

 

View this post on Instagram

 

 

 

 

 

 

 

 

 

 

 

A post shared by Inquilab - انقلاب (@theinquilab.in)

 ان طلبہ نے ستمبر کے پہلے ہفتہ میں دہلی میں منعقدہونے  والے  ۵؍روزہ ’ ٹیکنوزین ورلڈ کپ ۹ء۰‘‘ میں اپنی صلاحیتوں کا لوہا منوایا اور ’’فاسٹیسٹ لائن فالوور‘‘ ایونٹ میں صرف۲۱؍  سیکنڈ میں سرکٹ مکمل کیا ۔ ان کے پروجیکٹ کو عالمی سطح پر سیکنڈ رَنر اَپ کے اعزاز سے نوازا گیا۔   مقابلہ  میں ۶۰؍ ممالک کے ۲۵؍ ہزار طلبہ کی  ۳۴۰۰؍ ٹیموں  نے شرکت کی۔  الحسنات اسکول کے بانی خان عبدالرؤف نے نمائندہ انقلاب کو بتایاکہ  ہمارے بچوں کو سیکنڈرَنر اَپ کا خطاب  بچوں کی محنت، اساتذہ کی رہنمائی، چیئرمین عبدالروف خان کی سرپرستی اوراسٹیم لیب (ایمیزون کے تعاون سے) کے گائیڈز شبھم سر اور نکھیل سر کی بدولت ملا ہے۔ 
 انہوں نے  بتایا کہ ’’ ایمیزون کی جانب سے پہلے میونسپل کارپوریشن کی اسکولوں سے ۴؍ اور ہمارے بچوں کی ایک ٹیم، یعنی کل  ملا کر۵؍ ٹیموں کو منتخب کیا گیا تھا۔ ‘‘

ٹیم کی کارکردگی کے حوالے سے انہوں  نے بتایا کہ ’’مقامی سطح کے مقابلے جیتنے کے بعد حسن رضا اور اعیان خان کی ٹیم کو بین الاقوامی سطح کےمقابلے کے منتخب کیا گیا اور انہوں نے اس مقابلے میں بہترین کارکردگی کا مظاہرہ کرتے ہوئے محض ۲۱؍منٹ میں سرکٹ بنایا جس سے اوبجیکٹ (یعنی گاڑی) نے لائن کو فالو کرتے ہوئے فاصلہ طے کیا۔ الحسنات اردو اسکول کیلئے   بین الاقوامی سطح کی یہ پہلی کامیابی ہے۔اہم بات  یہ ہے کہ  اس غیر معمولی کامیابی  کاحصہ بننے والے حسن  رضا  کی پرورش ان کی خالہ اور خالو کررہے ہیں۔ حسن رضا کی خالہ مہناز سید نے بتایا کہ ’’حسن  جب ۱۵؍ دن کا تھا تب سے ہم ہی اسے پال رہے ہیں۔اس کی والدہ  برین ٹیومر سے متاثر تھیں اوراس کی  پیدائش کے چند دنوں بعد ہی  ان کا انتقال ہوگیاتھا  جبکہ والد جو دہلی میں رہتے ہیں، اس سے اپنا تعلق منقطع کرلیا ہے۔‘‘  انہوں نے کہا کہ ’’ ایمیزون کے شبھم سر نے  انہیں سرکٹ وغیرہ کی تربیت دی،  ان کی محنت رنگ لائی۔‘‘ اعیان خان سے کوشش کے باوجود بات نہ ہو سکی۔ خان عبدالرؤف نے مزید کہا کہ یہ کامیابی  صرف الحسنات اسکول کیلئے نہیں بلکہ پوری کمیونٹی کیلئے  باعث فخر اور نئی نسل کیلئے  تحریک کا ذریعہ ہے۔