موسمِ گرما میں جب پوری دنیا فیفا ورلڈ کپ ۲۰۲۶ء کا جشن منانے کے لئے جمع ہوگی، شائقین نیٹ فلکس گیمز پر خصوصی طور پر تیار کردہ ایک نئے گیم فیفا فٹ بال سیمولیشن سے لطف اندوز ہو سکیں گے۔

موسمِ گرما میں جب پوری دنیا فیفا ورلڈ کپ ۲۰۲۶ء کا جشن منانے کے لئے جمع ہوگی، شائقین نیٹ فلکس گیمز پر خصوصی طور پر تیار کردہ ایک نئے گیم  فیفا فٹ بال سیمولیشن  سے لطف اندوز ہو سکیں گے۔ ڈیلفی انٹرایکٹیو کے تعاون سے تیار کردہ اس گیم کے ذریعے نیٹ فلکس ممبران ٹورنامنٹ کے جوش و خروش اور ڈرامائی لمحات کو ایک نئے انداز میں تجربہ کر سکیں گے۔
یہ گیم سیکھنے میں آسان اور کھیلنے میں انتہائی سنسنی خیز ہے جسے ہر عمر کا فرد آسانی سے کھیل سکتا ہے۔ نیٹ فلکس ممبران اپنے فون کے ذریعے اکیلے یا اپنے دوستوں کے ساتھ آن لائن یہ گیم کھیل سکیں گے۔ نیٹ فلکس گیمز کے صدر ایلین ٹاسکن کا کہنا تھا کہ فیفا ورلڈ کپ ۲۰۲۶ء کا سب سے بڑا ثقافتی ایونٹ ہوگا اور اب شائقین اس کھیل کو اپنے ڈرائنگ روم تک لا سکیں گے، ہم فٹ بال کو اس کی اصل روح کے ساتھ واپس لانا چاہتے ہیں تاکہ ہر کوئی محض ایک بٹن دبا کر اس کا حصہ بن سکے۔ 

یہ بھی پڑھئے:نیپولی نے اے سی میلان کو ہرا کر فائنل کا ٹکٹ کٹا لیا

فیفا کے صدر جیانی انفنٹینو نے کہا کہ فیفا ورلڈ کپ ۲۰۲۶ء سے قبل نیٹ فلکس گیمز اور ڈیلفی انٹرایکٹیو کے ساتھ اس شراکت داری پر بے حد پرجوش ہے، یہ تعاون فٹ بال گیمنگ کی دنیا میں جدت لانے کے ہمارے عزم کا حصہ ہے جس کا مقصد دنیا بھر کے اربوں شائقین تک رسائی کرنا ہے۔ یہ گیم ڈجیٹل فٹ بال کے ایک نئے دور کا آغاز ہے جو نیٹ فلکس ممبران کے لئے مفت دستیاب ہوگا۔ 

یہ بھی پڑھئے:ودیا بالن اور اکشے کمار ۶؍سال بعد ایک ساتھ نظر آئیں گے

کیسپر ڈوگارڈ (سی ای او، ڈیلفی انٹرایکٹیو) نے کہا کہ فٹ بال دنیا کا سب سے بڑا کھیل ہے۔ فیفا گیم کو تاریخ کا سب سے زیادہ تفریحی، آسان اور عالمی سطح پر قابلِ رسائی گیم بنانا۔لاکھوں افراد پہلے ہی اپنے ٹی وی پر نیٹ فلکس دیکھتے ہیں لیکن اب وہ وہاں گیمز بھی کھیل سکیں گے۔ نیٹ فلکس ممبران اپنے پسندیدہ شوز اور فلموں کے ساتھ ساتھ اس نئے فیفا گیم کو بھی تلاش کر سکیں گے جہاں ان کا اسمارٹ فون ایک کنٹرولر  کے طور پر کام کرے گا۔یہ تاریخی قدم فیفا کی جانب سے گیمنگ کے مستقبل کو نئے سرے سے ترتیب دینے کی ایک بڑی کوشش قرار دیا جا رہا ہے۔