نیدر لینڈس کے ایڈ قصبے کے ایک کیفے میں ایک مشتبہ شخص نے متعدد افراد کو یرغمال بنالیا تھا۔ ڈرامائی انداز میں وہ ایک کے بعد ایک لوگوں رہا کرتا گیا اور آخر میں اپنے آپ کو پولیس کے حوالے کردیا۔ اس نے ایسا کیوں کیا؟ اس بارے میں کوئی معلومات عام نہیں کی گئی ہیں۔ پولیس معاملے کی تفتیش کررہی ہے۔

ماسک والے شخص نے اپنے آپ کو پولیس کے حوالے کردیا
ڈچ پولیس نے اس شخص کو گرفتار کرلیا ہے جس نے کیفے میں لوگوں کو یرغمال بنایا تھا۔ پولیس گھنٹوں کیفے کے باہرکھڑی رہی۔ آخری یرغمال کے کیفے کے باہر آنے کے بعد ماسک پہنے شخص نے اپنے آپ کو پولیس کے حوالے کردیا۔ تاہم، پولیس نے اس معاملے کے متعلق تفصیلات عام نہیں کی ہیں۔ ماسک والے شخص نے ایسا کیوں کیا؟ اس سوال کا جواب فی الحال کسی کے پاس نہیں ہے۔

A hostage drama at a nightclub in the eastern Netherlands ended peacefully after several hours on Saturday with the arrest of a suspect - a man wearing a balaclava mask who exited the building and surrendered to police https://t.co/Em1PtI9v0t pic.twitter.com/r2XzW1i7m0

— Reuters (@Reuters) March 30, 2024

مسلح پولیس کی بڑی تعداد نے سنیچر کوڈچ شہر کے ایک حصے کا یہ کہتے ہوئے محاصرہ کرلیا کہ وہاں کے ایک کیفے میں متعدد افراد کو یرغمال بنایا گیا ہے۔ پولیس کے ترجمان سائمن کلوک نے اے پی کو بتایا کہ ایڈقصبے کے ایک کیفے میں لوگوں کو یرغمال بنایا گیا ہے۔ تاہم، انہوں نے واقعے کی مزید تفصیلات بتانے سے انکار کیا کہ اس میں کتنے لوگ ملوث ہیں۔ 
پولیس نے ایکس پر ایک پیغام میں کہا کہ ’’فی الحال دہشت گردی کے مقصد کا کوئی اشارہ نہیں ہے۔ ‘‘اس سے قبل، افسران نے ایک مرکزی چوک کے قریب ۱۵۰؍ گھروں کو یہ کہتے ہوئے خالی کروایا کہ اس علاقے میں ایک شخص موجود ہے جو اپنے لئے یا دوسروں کیلئے خطرہ ہو سکتا ہے۔ 
تازہ ترین اطلاع کے مطابق پولیس کی بھاری موجودگی کے درمیان ۳؍ لوگوں کو ہاتھ اوپر اٹھائے کیفے سے باہر آتے دیکھا گیا ہے۔ لیکن پولیس کی جانب سےابھی کوئی تفصیل فراہم نہیں کی گئی ہےاور نہ ہی یہ بتایا گیا کہ ابھی اور کتنے لوگ کلب کے اندر موجود ہو سکتے ہیں۔

Hostage situation in the Netherlands!
3 hostages have been released (video)
An unknown man took five hostages in a cafe and has been holding them for five hours.
The masked man claims to have a bag full of bombs.
The police deployed sappers, and residents of nearby houses… pic.twitter.com/lD8UgOmctk

— Imtiaz Mahmood (@ImtiazMadmood) March 30, 2024

ایمسٹرڈیم سے ۸۵؍کلومیٹر (۵۳؍میل) جنوب مشرق میں دیہی بازار کے قصبے ایڈ میں جائے وقوع سے لی گئی تصاویر میں پولیس اور فائر فائٹرز کو سڑکوں پرمحصور علاقے میں دکھایا گیا ہے۔ میونسپلٹی نے کہا کہ ایڈ کے مرکز میں حفاظتی اقدام کے طور پر تمام دکانیں بند رہیں گی۔
کیفے کے آس پاس موجود مقامی افراد سے موصول ہونے والے ویڈیوز کے مطابق ماسک پہنے ایک شخص نے کیفے میں ۵؍ لوگوں کو یرغمال بنایا ہے جس نے اپنے پاس بموں سے بھرا ایک بیگ ہونے کا دعویٰ کیا ہے۔