مرکزی تجارت و صنعت کے وزیر پیوش گوئل، جوآکلینڈ میں ہندوستان-نیوزی لینڈ آزاد تجارتی معاہدے (ایف ٹی اے) مذاکرات کے چوتھے دور کے لیے آئے ہوئے ہیں، کہا کہ نیوزی لینڈ کو ہندوستان کی تیزی سے بڑھتی ہوئی مارکیٹ سے فائدہ ہوگا۔

مرکزی تجارت و صنعت کے وزیر پیوش گوئل، جوآکلینڈ میں ہندوستان-نیوزی لینڈ آزاد تجارتی معاہدے (ایف ٹی اے) مذاکرات کے چوتھے دور کے لیے آئے ہوئے ہیں، کہا کہ نیوزی لینڈ کو ہندوستان کی تیزی سے بڑھتی ہوئی مارکیٹ سے فائدہ ہوگا۔ 
گوئل ایف ٹی اے مذاکرات کے لیے ۳؍ سے۷؍ نومبر تک نیوزی لینڈ میں ہیں۔ آکلینڈ بزنس چیمبر کے زیر اہتمام انڈیا-نیوزی لینڈ بزنس فورم میں، انہوں نے اس بات پر زور دیا کہ مذاکرات باہمی احترام اور متوازن نتیجہ حاصل کرنے کے مشترکہ عزم کے ساتھ آگے بڑھ رہے ہیں۔ انہوں نے کہا کہ نیوزی لینڈ کو ہندوستان کی بڑی اور تیزی سے بڑھتی ہوئی مارکیٹ تک رسائی سے فائدہ پہنچے گا، جب کہ ہندوستان باہمی طور پر فائدہ مند تعاون قائم کرنے کے لیے نیوزی لینڈ کی تکنیکی مہارت اور منفرد صلاحیتوں کا فائدہ اٹھا سکتا ہے۔ 
انہوں نے نیوزی لینڈ کی معیشت کو مضبوط بنانے اور ثقافتی اور لوگوں کے درمیان تعلقات کو بڑھانے میں ہندوستانی تارکین وطن کے اہم شراکت کی بھی تعریف کی۔  انہوں نے نیوزی لینڈ کے وزیر تجارت ٹوڈ میک کلے کے ساتھ ایک مباحثے میں بھی حصہ لیا، جس کی نگرانی آکلینڈ بزنس چیمبر کے چیف ایگزیکٹیو آفیسر سائمن برجز نے کی۔سیشن کا آغاز کرتے ہوئےگوئل نے وزیر اعظم نریندر مودی اور نیوزی لینڈ کے وزیر اعظم کرسٹوفر لکسن کے درمیان دو طرفہ ملاقات کا حوالہ دیا۔ انہوں نے دونوں ممالک پر زور دیا کہ وہ اپنی اقتصادی شراکت داری کو گہرا کرنے کے لیے تعاون کی نئی راہیں تلاش کریں۔ انہوں نے سمندری، جنگلات، کھیل، تعلیم، ٹیکنالوجی اور سیاحت سمیت اہم شعبوں میں تعاون کے بے پناہ امکانات پر زور دیا۔ انہوں نے کہا کہ ہندوستان سے اتنے بڑے تجارتی وفد کا نیوزی لینڈ کا یہ پہلا دورہ تھا، جو ایک ترقی یافتہ ہندوستان کے وژن کے مطابق ہندوستانی صنعت کے اعتماد اور متحرک ہونے کی عکاسی کرتا ہے۔ 

یہ بھی پڑھئے:یوٹیوب نے اسرائیلی انسانی حقوق کی خلاف ورزیوں پر مبنی ۷۰۰؍ویڈیوز حذف کر دیں

آکلینڈ کے مہاتما گاندھی سینٹر میں منعقدہ ایک کمیونٹی پروگرام میں گوئل نے اس موقع پر ان کی موجودگی اور ہندوستان-نیوزی لینڈ شراکت داری کے جشن میں شامل ہونے کے لیے وزیر اعظم لکسن کا شکریہ ادا کیا۔ ہندوستان کی گہری ثقافتی اقدار کا ذکر کرتے ہوئے انہوں نے کہا کہ جہاں ہماری جائے پیدائش ہمیں اپنی جڑوں سے جوڑتی ہے، وہیں ہمارے کام کی جگہ ہمیں خدمت اور تعاون کے مواقع فراہم کرتی ہے۔ انہوں نے ہندوستانی برادری کو اپنے کام کی سرزمین کے ساتھ وفادار رہنے اور اپنی پیدائش کی سرزمین کی اقدار کو اپنانے کی ترغیب دی۔