جولائی کے ابتدائی عشرے میں پاکستان کا آئی ایم ایف سے نئے پروگرام کا معاہدہ ہوسکتا ہے۔

بین الاقوامی مالیاتی فنڈ (آئی ایم ایف)کے ایگزیکٹیوبورڈ کا اجلاس۲۹؍ اپریل کو ہوگا جس میں پاکستان کے دوسرے اقتصادی جائزہ اور ایک ارب ۱۰؍ کروڑ ڈالر کی اگلی قسط کے آخری قسط کی منظوری دی جائے گی۔ 
 میڈیارپورٹس کے مطابق پاکستان آئی ایم ایف سے ایک نئے طویل مدتی اور بڑے قرض کیلئے بات چیت کر رہا ہے، جولائی کے شروع تک پاکستان کا آئی ایم ایف سے نئے  پروگرام کا معاہدہ ہوسکتا ہے۔

یہ بھی پڑھئے: خراب موسم اور تیل کی قیمتیں مہنگائی میں اضافہ کر سکتی ہیں

رپورٹ کے مطابق پاکستان نے میکرو اکنامک  میں استحکام اور اصلاحات کیلئے کم ازکم۳؍ سال کیلئے قرض کی درخواست دی ہے۔ اس کی منظوری کی صورت میں یہ پاکستان کیلئے۲۴؍واں بیل آؤٹ پروگرام  ہوگا۔مالیاتی فنڈ کے ساتھ پاکستان کا۲۴؍ واں۳؍سالہ مجوزہ پیکج اگر منظور ہو جاتا ہے تو اس کا حجم ۶؍سے ۸؍ارب ڈالر کے درمیان ہو سکتا ہے جو  ملک کا اب تک کا سب سے بڑا قرض ہوگا۔میڈیا  کے مطابق پاکستانی معیشت کو ادائیگیوں کے توازن کے بحران کا سامنا کرنا  پڑرہا  ہے، پاکستان کو اگلے مالی سال قرض  اور سود کی مد میں تقریباً۲۴؍ ارب ڈالر ادا کرنے ہیں۔