اے آر رحمان تنازع: اپنے مذہبی امتیازی بیان کی وجہ سے اے آر رحمان کو شدید تنقید کا سامنا ہے تاہم، تنقید کے دوران بھی بالی ووڈ کے اداکار پریش راول نے رحمان کا ساتھ دیا ہے لیکن، انہیں رحمان سے ہمدردی کی قیمت بھی چکانی پڑی اور صارفین نے پریش کو بھی سوشل میڈیا پر شدید تنقید کا نشانہ بنایا۔

اپنی موسیقی کے ساتھ ساتھ، مشہور موسیقی ہدایتکار اور گلوکار اے آر رحمان اکثر اپنے بیانات کی وجہ سے بھی خبروں میں رہتے ہیں  تاہم، کئی بار وہ کچھ ایسا کہہ دیتے ہیں جس پر شدید ہنگامہ کھڑا ہو جاتا ہے۔ حال ہی میں اے آر رحمان نے انڈسٹری میں مذہبی امتیاز کی بات کی تھی اور وکی کوشل کی بلاک بسٹر فلم’’چھاوا‘‘ کو تقسیم کرنے والی فلم قرار دیا تھا، حالانکہ اس کا موسیقی خود رحمان نے دیا تھا۔
اے آر رحمان اپنے بیان کی وجہ سے ہر طرف سے گھیرے جا چکے ہیں۔ لوگوں کے ساتھ ساتھ وہ سیلیبریٹیز کی تنقید کا بھی نشانہ ہیں  تاہم  تنقید کے باوجود اب رحمان کو بالی ووڈ کے مشہور اداکار پریش راول کی حمایت حاصل ہوئی ہے۔ سوشل میڈیا پر پریش راول نے رحمان کی تعریف کرتے ہوئے انہیں ملک کا فخر بتایا ہے  اس کے باوجود لوگوں کو پریش کی بات بالکل پسند نہیں آئی اور انہوں نے پریش کو بھی سخت تنقید کا نشانہ بنایا۔
پریش نے رحمان کو بتایا ملک کا فخر 
اے آر رحمان کے بیان پر مشہور شاعر اور مصنف جاوید اختر، گلوکار شان سمیت کئی فلمی شخصیات  نے اختلاف کا اظہار کیا ہے  تاہم، اپنے متنازع بیان کے بعد رحمان نے ایک بیان جاری کیا ہے۔ اس پر پریش راول نے بھی ردعمل ظاہر کیااور انہوں نے رحمان کی حمایت کرتے ہوئے ایک پوسٹ کیا۔ انہوں نے لکھا کہ ’’ہم آپ سے محبت کرتے ہیں سر، آپ ہمارے فخر ہیں۔ بعد میں انہوں نے ہاتھ جوڑنے والے اور ہارٹ ایموجی بھی استعمال کیے۔ لیکن پریش کی یہ بات لوگوں کو بالکل پسند نہیں آئی۔

یہ بھی پڑھئے:چاندی کی قیمت: ایک مہینے میں ایک لاکھ روپے مہنگی ہوئی چاندی

پریش کو صارفین نے تنقید کا نشانہ بنایا 
اے آر رحمان کی حمایت اور انہیں ملک کا فخر قرار دینے پر پریش راول کو سوشل میڈیا پر سخت تنقید کا سامنا ہے۔ ایک صارف نے غصے میں لکھا کہ ’’نہیں، وہ فخر نہیں ہیں اور نہ ہی ہم ان سے محبت کرتے ہیں۔ براہ کرم اپنے بارے میں بات کریں۔‘‘ ایک نے لکھا ’’ ہم ایسے شخص سے محبت نہیں کرتے جس نے چھترپتی سمبھاجی مہاراج کے قربانی کو تقسیم  کہنے کی ہمت کی۔ ‘‘

یہ بھی پڑھئے:ہیپی پٹیل: خطرناک جاسوس: ویر داس کی فلم ۵؍ کروڑ روپے کے ہندسے تک نہیں پہنچ سکی

ایک اور نے لکھا کہ ’’آپ اپنے مشترکہ انڈسٹری کی بنیاد پر ان کی حمایت کر سکتے ہیں، لیکن وہ زیادہ تر ہندوستانیوں کے لیے شرم کی بات ہیں جبکہ ایک صارف نے لکھا کہ ’’آپ ان سے محبت کرتے ہیں ٹھیک ہے، لیکن آپ تب کیوں خاموش رہے جب انہوں نے کہا کہ مسلمان ہونے کی وجہ سے انہیں  ہندوستان  میں کام نہیں مل رہا۔‘‘