اس معاہدہ کے تحت کھاتے دار ۳۰؍ سے زائد غیر ملکی کرنسیوں میں ادائیگی اور لین دین کر سکیں گے

کیش فری پیمنٹس اور یس بینک نے ساتھ مل کر اپنے کھاتے دار برآمد کنندگان کیلئے ایک بین الاقوامی کلیکشن سروس ’گلوبل کلیکشن‘ پیش کیا ہے۔اس شراکت داری کے تحت، بینک کے کھاتہ دار گلوبل کلیکشن سروس کا استعمال کرکے۳۰؍ سے زائد غیر ملکی کرنسیوں میں ادائیگیاں وصول کر سکیں گے۔ اس طرح موصول ہونے والے فنڈز کو  ہندوستانی کرنسی میں تبدیل کیا جا سکتا ہے اور ایک کاروباری دن کے اندر ہندوستان میں  اپنے مقامی بینک اکاؤنٹ میں  جمع کیا جا سکتا ہے۔میڈیا کو جاری کیے گئے بیان  کے مطابق اس سروس میں۴؍ کرنسیوں (یو ایس ڈی ، جی بی پی ،ای یو آر اورسی اے ڈی )کی مخصوص سہولیات کے علاوہ،آر بی آئی  کے آن لائن ادائیگی کے گیٹ وے کی ہدایات کے مطابق۳۰؍ سے زیادہ کرنسیوں میں۱۰؍ ہزار امریکی ڈالر کے مساوی عالمی  ادائیگی وصول کرنے کی سہولت ملتی ہے۔   
  یس بینک کے کنٹری ہیڈ - ڈیجیٹل اور ٹرانزیکشن بینکنگ اجے راجن  نے کہا’’یس بینک ملک کے اندر  ادائیگیوں کے منظر نامہ  میں ڈیجیٹل اختراع میں سب سے آگے رہا ہے۔ یس بینک اور کیش فری پیمنٹس کے درمیان شراکت داری کا مقصد ہندوستانی برآمد کنندگان کو دنیا بھر سے ادائیگیاں وصول کرنے کے طریقے کو سہل اور انقلابی بنانا ہے۔