شرح میں کمی کے مثبت اشارے،ایس آئی اے ایم کے مطابق ٹو وہیلر سیگمنٹ میں مئی میں۲ء۲؍فیصد کا معمولی اضافہ ہوا۔

مسافر گاڑیوں (پی ویز) کی تھوک فروخت مئی میں ۰ء۸؍ فیصد (سالانہ کی بنیاد) کم ہو کر۳۴۴۶۵۶؍ یونٹس رہ گئی جو کہ گزشتہ سال اسی مہینے میں ۳۴۷۴۹۲؍ یونٹس تھی۔ اپریل میں پی وی کی فروخت میں ۴؍ فیصد اضافہ ہوا تھا۔ اسی وقت، دو پہیوں والے زمرے میں ۲ء۲؍ فیصد کا معمولی اضافہ درج کیا گیا۔ مئی میں یہ بڑھ کر۱۶۵۵۹۲۷؍ ہو گئی جو کہ ایک سال پہلے اسی مہینے میں ۱۶۲۰۰۸۴؍ تھی۔ سوسائٹی آف انڈین آٹوموبائل مینوفیکچررس (ایس آئی اے ایم) نے پیر کو آٹو فروخت کے تازہ ترین اعداد و شمار جاری کئے ہیں۔ 
 ایس آئی اے ایم کے جاری کردہ اعداد و شمار کے مطابق گھریلو مارکیٹ میں کل ۳؍ پہیوں کی فروخت سالانہ کی بنیاد پر۵۵۷۶۳؍ کے مقابلے مئی میں ۳ء۳؍ فیصد کم ہوکر۵۳۹۴۲؍ ہوگئی۔ ایس آئی اے ایم نے کہا کہ تمام زمروں میں گاڑیوں کی کل ہول سیل فروخت۱ء۸؍ فیصد بڑھ کر ۲۰۱۲۹۶۹؍ ہوگئی جو گزشتہ سال مئی میں ۱۹۷۶۶۷۴؍ تھی۔ یوٹیلیٹی وہیکل (یو وی) کے حصے میں مئی میں ۷ء۶؍ فیصد اضافہ ہوا، جبکہ مسافر کاروں کی فروخت میں ۱۲ء۲؍ فیصد کمی واقع ہوئی۔ 
  صنعت کے ماہرین کا کہنا ہے کہ ڈیلر کی سطح پر زیادہ انوینٹری اور صارفین کے کمزور جذبات کی وجہ سے مسافر کاروں کی فروخت میں کمی آئی ہے۔ مئی میں مسافر گاڑیوں کی خردہ فروخت میں سالانہ بنیا دپر ۳ء۱؍ فیصد اور ماہانہ کی بنیاد پر ۱۳ء۶؍فیصد کمی ہوئی۔ فیڈریشن آف آٹوموبائل ڈیلرز اسوسی ایشنز(ایف اے ڈی اے) نے حال ہی میں کہا ہے کہ مسافر گاڑیوں کی انوینٹری۵۳؍ دنوں تک پہنچ گئی ہے۔ 
 ایف اے ڈی اے نے اپنے بیان میں کہا تھا، اعلیٰ انوینٹری اور انٹری لیول ماڈلز میں کمزور مانگ کے ساتھ ساتھ سرحدی ریاستوں (جموں و کشمیر، پنجاب، راجستھان، گجرات) میں جنگ جیسے حالات اور مارجن منی سے متعلق چیلنج کی وجہ سے خردہ تبدیلی کمزور رہی، حالانکہ بکنگ اچھی تھی۔ ‘‘ مئی میں پیسنجرس کاروں کی فروخت میں کمی آئی ہے، لیکن صنعت آگے بڑھنے کے مثبت رجحان کی توقع رکھتی ہے۔ ریزرو بینک آف انڈیا (آر بی آئی) کی طرف سے حالیہ شرح سود میں کٹوتی اور معمول سے بہتر مانسون کی پیش گوئی اس شعبے میں مانگ کو بڑھا سکتی ہے۔ 
 ایس آئی اے ایم کے ڈائریکٹر جنرل راجیش مینن نے کہاکہ ’’مئی میں گاڑیوں کے تمام حصوں نے مستحکم کارکردگی کا مظاہرہ کیا۔ مسافر گاڑیوں کی ڈیلیوری۳۴۴۶۵۶؍ یونٹس رہی، جو مئی میں دوسری سب سے زیادہ ہے۔ گزشتہ سال کے مقابلے ۳؍ پہیوں والی گاڑیوں میں ۳ء۳؍فیصد کی کمی آئی ہے جبکہ دو پہیہ گاڑیوں میں ۲ء۲؍فیصد اضافہ ہوا ہے۔ ‘‘انہوں نے کہاکہ ’’۶؍ مہینوں میں آر بی آئی کی طرف سے ہر ایک میں ۱۰۰؍ بیس پوائنٹس کی ۳؍ ریپو ریٹ میں کٹوتی اور بہتر مانسون کا امکان آٹو سیکٹر کے لیے مثبت اشارے ہیں۔ اس سے سستی گاڑیوں کی خریداری ممکن ہو سکے گی اور صارفین کے جذبات میں بہتری آئے گی۔ ‘‘