عنقریب ۲۰۲۰ء ختم ہوجائے گا اور شہری نئے سال کا خیر مقدم کریں گے لیکن عروس البلاد ممبئی کے شہری کورونا وائرس ، دفعہ ۱۴۴ ؍ اور رات کے کرفیو کے سبب نئے سال کا جشن روایت کے مطابق نہیں مناسکیں گے ۔

عنقریب ۲۰۲۰ء ختم  ہوجائے گا اور شہری نئے سال کا خیر مقدم کریں گے لیکن عروس البلاد ممبئی کے شہری کورونا وائرس ، دفعہ ۱۴۴ ؍ اور رات کے کرفیو  کے سبب نئے سال کا جشن  روایت کے مطابق نہیں مناسکیں گے ۔ اس سلسلہ میں جہاں ممبئی پولیس کا۳۵؍ ہزار اہلکاروںپر مشتمل دستہ شہر کے چپے چپے پر تعینات کر دیا گیا ہے وہیں ممبئی پولیس کے ترجمان  اور ڈپٹی کمشنر آف پولیس ایس چیتنیا نے شہریوں سے اپیل کی ہے کہ وہ نئے سال کا جشن منانے کیلئے گھروں سے باہر نہ نکلیں ۔ انہوں نے یہ بھی کہا کہ شہر کے کسی بھی علاقے میں ، ہوٹل ، پب اور ریسٹورنٹ میں جشن اور پارٹی منانے کی اجازت نہیں دی گئی ہے ۔ نظم و نسق کے پیش نظر ایس آر پی ایف کی تین ٹکڑیاں ، ۶۰۰؍ ہوم گارڈز ، فساد مخالف دستہ ، بم اسکواڈ اور اینٹی ٹیرر سیل کے ساتھ میٹل ڈیٹیکٹر وین بھی جگہ جگہ تعینات کی جائے گی ۔ انہوں نے  متنبہ کیا کہ جاری کردہ ہدایت کی خلاف ورزی کرنے والوں پر سخت کارروائی کی جائے گی۔