محکمہ ٹریفک کے اہلکاروں کی حاضر دماغی کے سبب ایک منی ٹیمپو میں بھر ے گٹکھے کے بڑ ے ذخیرے کوپولیس نے ضبط کر کے ٹیمپو کے ڈرائیور کو گرفتار کر لیا ہے۔
EPAPER
Updated: January 28, 2020, 2:07 PM IST | Ejaz Abdul Ghani | Kalyan
محکمہ ٹریفک کے اہلکاروں کی حاضر دماغی کے سبب ایک منی ٹیمپو میں بھر ے گٹکھے کے بڑ ے ذخیرے کوپولیس نے ضبط کر کے ٹیمپو کے ڈرائیور کو گرفتار کر لیا ہے۔
کلیان : محکمہ ٹریفک کے اہلکاروں کی حاضر دماغی کے سبب ایک منی ٹیمپو میں بھر ے گٹکھے کے بڑ ے ذخیرے کوپولیس نے ضبط کر کے ٹیمپو کے ڈرائیور کو گرفتار کر لیا ہے۔ پولیس کے مطابق اس معاملے میں مزید گرفتاروں کا قوی امکان ہے۔ تفصیلات کے مطابق پیر کی صبح تقریباً ۹؍ بجے کلیان کھاڑی پر بنے بر یج کے پاس محکمہ ٹریفک کے اہلکار جی اُتیکر، ڈی بی نائیک ،وارڈن ساگر سابلے ا ور جادھو معمول کے مطابق ٹریفک کو کنٹرول کر نے میں مصروف تھے۔ عین اُسی وقت بھیونڈی کی جانب سے ایک تیز رفتار ٹیمپو ٹریفک اہلکاروں کو چکمہ دے کنارے سے نکلنے کی کوشش کر نے لگا ۔ پولیس اہلکاروں کو ڈرائیور کی اس حر کت پر کچھ شبہ ہو اتو انہوں نے انتہائی پھرتی سے ٹیمپو کو روکا اور تلاشی لی ۔ اس دوران ٹیمپو سے گٹکھے سے بھری کئی بوریاں بر آمد ہوئیں۔ اس بارے میں ٹریفک اہلکاروں نے بازار پیٹھ پولیس اسٹیشن اور محکمہ ٹریفک کے انچارج کو مطلع کیا۔ ٹریفک انچارج سکھ دیو پاٹل نے ٹیمپو ڈرائیور باپو صاحب کرالے کو بازار پیٹھ پولیس کے حوالے کر دیا۔