مظلوم فلسطینیوں کی حمایت اور ظالم اسرائیل کی حیوانیت کے خلاف جمعہ کی نماز میں شہر ومضافات کی متعدد مساجد میں دعاؤں کا اہتمام کیا گیا۔

مظلوم فلسطینیوں کی حمایت اور ظالم اسرائیل کی حیوانیت کے خلاف جمعہ کی نماز میں شہر ومضافات کی متعدد مساجد میں دعاؤں کا اہتمام کیا گیا۔ ائمہ مساجد نےبارگاہ ایزدی میں رقت آمیز دعا مانگی۔  ورلی کی سنی حسینی اشرفی مسجدوقبرستان میں فلسطین کے مظلومین کیلئے دعا کےساتھ پلے کارڈ لے کراحتجاج بھی کیا گیا۔ ان پلے کارڈ س پراسرائیل غزہ میںقتل عام بند کرے ، اقوام متحدہ فلسطینیوں کو کھانا پانی مہیا کرائےاور اسرائیل فلسطین میںامن قائم کرے وغیرہ لکھا ہو اتھا۔
مولاناسید معین الدین اشرف عرف معین میاںنےدعا سے قبل مختصر خطاب میںکہاکہ’’ رمضان المبارک میںبھی اسرائیل اپنی حیوانیت سے باز نہیں آرہا ہے، مظلوم فلسطینیوں پر بم برسا رہا ہے۔ حالانکہ جنگ بندی کا معاہدہ کیا گیا ہے اس کے باوجود اپنی ناپاک حرکتوں سے باز آنے کوتیار نہیں ہے۔ اس لئے دنیا کے تمام امن پسند اور انسانیت کے علمبردار آگے بڑھیں اور اسرائیل کے خونیںپنجوں کوموڑ دیں۔‘‘