سری لنکن ایئرلائنس کی نجکاری پر غور۔ اڈانی بھی خریدنے کی دوڑ میں شامل۔

سری لنکا کی حکومت اپنی ایئر لائنس سری لنکن ایئر لائنس کی نجکاری کے آپشنز پر غور کر رہی ہے۔ حکومت نے سری لنکا ایئر لائنس (یو ایل، کولمبو انٹرنیشنل) کی نجکاری کے حوالے سے اپنی سرگرمی بڑھا دی ہے۔ اس ایئر لائن کو نجی کمپنیوں کے حوالے کرنے کیلئے بات چیت جاری ہے۔ بہت سی کمپنیاں اس کی دوڑ میں ہیں جن میں ٹاٹاز، اڈانی ، ای کے ایمریٹس کا نام شامل ہے۔ 
 سری لنکا کی حکومت سری لنکا ایئر لائنس کی نجکاری پر سنجیدگی سے غور کر رہی ہے۔ کئی نجی کمپنیوں کے ساتھ بات چیت جاری ہے۔ سی ایچ اویشن کی رپورٹ کے مطابق اس فہرست میں کئی معروف کمپنیوں کے نام شامل ہیں ۔ ممکنہ سرمایہ کاروں میں ایمریٹس (ای کے، دبئی انٹرنیشنل)، ٹاٹا سنس اور اڈانی گروپ جیسے معروف نام شامل ہیں ۔ ہندوستان، بنگلہ دیش، نیپال میں اس ایئر لائن کی رسائی بڑھ گئی ہے۔
سری لنکن ایئر لائنس آنے والے سردیوں کے موسم میں کولمبو اور ترواننت پورم کے درمیان اپنی خدمات بڑھانے کا ارادہ رکھتی ہے۔ اسے ہفتے میں ۶؍ سے ۷؍ بار بڑھانے پر غور کیا جا رہا ہے۔ کوچی انٹرنیشنل کیلئے اپنی۱۰؍ بار ہفتہ وار پروازوں کو برقرار رکھنے کی کوشش کر رہا ہے۔ اس کے علاوہ ایئر لائنس کوزی کوڈکیلئے نئی پرواز کے راستے تلاش کرنے کی کوشش کر رہی ہے۔ ہندوستان اور سری لنکا کے درمیان فضائی ٹریفک میں مسلسل اضافہ دیکھنے میں آیا ہے۔ دونوں ممالک کے درمیان مسافروں کے اعداد و شمار ایئر لائنس کیلئے مثبت رجحان ہے۔