حکومت سے مناسب تعداد میں انجکشن فراہم کرنے کی اپیل ، اس وبا کو سنجیدگی سے لینے کا مطالبہ بھی کیا
EPAPER
Updated: June 05, 2021, 7:02 AM IST | New Delhi
حکومت سے مناسب تعداد میں انجکشن فراہم کرنے کی اپیل ، اس وبا کو سنجیدگی سے لینے کا مطالبہ بھی کیا
کانگریس کی جنرل سیکریٹری پرینکا گاندھی وڈرا نے وزیر اعظم نریندر مودی سے اپیل کی ہے کہ وہ میکورمائیکوسس (بلیک فنگس) کے بڑھتے معاملات کی سنگینی اورادویات کی قلت کے بڑھتے ہوئے کیسیز پر تشویش کا اظہار کرتے ہوئے مناسب تعداد میں انجکشن مفت فراہم کرانے کی اپیل کی ۔ پرینکا گاندھی نے وزیر اعظم مودی کو ایک خط لکھا جس میں کہا گیا تھا کہ ملک بھرمیں بلیک فنگس کے انجکشن لگانے کی فریادیں کر رہے ہیں لیکن لوگوں کو اس وبا کے انجکشن نہیں مل رہے ہیں۔ اس سلسلے میں سوشل میڈیا پر آنے والے کچھ ویڈیوزدل دہلانے والی اور انتہائی تکلیف دہ ہیں۔
پرینکا گاندھی نے کہا کہ ملک میں بلیک فنگس کے مریضوں کی تعداد ۱۱؍ ہزار کو عبور کر چکی ہے اور اس کے علاج کے لئے انجکشن مناسب مقدار میں دستیاب نہیں ہیں۔ سب سے بڑی تشویش کی بات یہ ہے کہ بلیک فنگس سے شرح اموات ۵۰؍ فیصد ہے۔کانگریس کی جنرل سیکریٹری نے اس وبا کے علاج کے مہنگے انجکشن پر تشویش کا اظہار کیا اور کہا کہ اس کے انجکشن پر مریض لاکھوں روپے خرچ کررہے ہیں۔
پرینکا گاندھی نے کہا کہ بلیک فنگس کا علاج آیوشمان اسکیم کے دائرہ کار میں بھی نہیں آتا ، جس کی وجہ سے لوگوں کو کافی پریشانیوں کا سامنا کرنا پڑرہا ہے ، لہٰذا یہ انجکشن مریضوں کو بلا معاوضہ فراہم کیا جانا چاہئے اور اس کے لئے پہلے ہی تمام انتظامات کئے جانے چاہئیں۔