’اڈانی چلے جاؤ‘اڈانی ہٹاؤ ،دھاراوی بچاؤ ‘کے نعرے بلند کئے۔ احتجاجی جلسۂ عام میںمقررین نے اس معاہدہ کی سخت مخالفت کی

 اڈانی کے ذریعے دھاراوی   ڈیولپمنٹ  کے خلاف  بدھ کو  دھاراوی کے این شیوراج میدان  میں تمام سیاسی جماعتوں ، مقامی تنظیموں اورتاجروں کی اسوسی ایشن کے ذریعے احتجاجی جلسۂ عام کا انعقاد کیا گیاجس میںہزاروں لوگو ں نے شرکت کی ۔اس موقع پر ’اڈانی چلے جاؤ،اڈانی ہٹاؤ دھاراوی بچاؤ، اڈانی سے ڈیولپمنٹ منظور نہیں‘ نعرہ بلند کیا گیا ۔
 اس موقع پرملند راناڈے (سی پی آئی ) نے کہاکہ ’’ یہ پروجیکٹ صرف مودی جی سے دوستی کی بنیاد پراڈانی کوملاہے  ورنہ  اس طرح کے کاموں کا اڈانی کو کوئی تجربہ نہیں ہے ۔‘‘کامریڈ نصیر الحق نے کہاکہ’’دھاراوی ڈیولپمنٹ  پروجیکٹ فراڈ طریقے سے فراڈ اڈانی کو دیا گیا ہے ۔ اڈانی کی حقیقت ہنڈن برگ رپورٹ نےدنیا کے سامنے واضح کردی ہے۔‘‘ انہوںنےیہ بھی کہا کہ ’’معاہدہ میں لکھا گیا ہے کہ دھاراوی والوں کو۱۰؍کلومیٹر کی دوری تک شفٹ کیا جاسکتا ہے ، یہ ہم سب کوکسی قیمت پرمنظور نہیں۔‘‘رماکانت گپتا (بی جے پی ) نے کہا کہ ’’ زمین کا نہیںدھاراوی میںرہنے والوں کا وکاس ہونا چاہئے اوران کیلئے گھر اورکاروبار کے تحفظ کویقینی بنایا جانا چاہئے۔‘‘
  مارن نگم (آرپی آئی ) نے کہا کہ ’’ اڈانی کودھاراوی والو ںکی نہیں ،اپنے ڈیولپمنٹ کی فکر ہے۔‘‘ وٹھل پوار (شیوسینا)نے کہاکہ ’’یہاںلوگ الگ الگ کام کرکے روزی روٹی کماتے ہیں، اس کا تحفظ کیسے ہوگا۔‘‘
 شیتکری کامگار پکش کے لیڈر شامیا کورڈے نے کہاکہ ’’اڈانی کے ساتھ جومعاہدہ کیا گیا ہے ، وہ پوری طرح سے فراڈ ہے۔‘‘
  دیگر مقررین نےبھی اڈانی کے ذریعے دھاراوی کے ڈیولپمنٹ کی شدید مخالفت کی اوراڈانی مخالف مہم جاری رکھنے کا اعلان کیا گیا۔