ہندوستانمیںکوئیک کامرس کا کاروبار اب بڑے میٹرو شہروں سے نکل کر چھوٹے اور کم استعمال ہونے والے بازاروں تک تیزی سے پھیل رہا ہے۔ بروکریج فرم سی ایل ایس اے کی ایک تازہ رپورٹ کے مطابق، ملک میں کوئیک کامرس کے ڈارک اسٹورز کی موجودگی ۴۷۷؍ شہروں تک پہنچ گئی ہے۔

ہندوستانمیںکوئیک کامرس  کا کاروبار اب بڑے میٹرو شہروں سے نکل کر چھوٹے اور کم استعمال ہونے والے بازاروں تک تیزی سے پھیل رہا ہے۔ بروکریج فرم  سی ایل ایس اے کی ایک تازہ رپورٹ کے مطابق، ملک میں کوئیک کامرس کے  ڈارک اسٹورز کی موجودگی ۴۷۷؍ شہروں  تک پہنچ گئی ہے۔ 
 سی ایل سی اے  کے مطابق نئی اور تیزی سے ابھرنے والی کمپنیاں ایسے جغرافیائی علاقوں کو ہدف بنا رہی ہیں جہاں موجودہ کوئیک کامرس پلیئرز کی موجودگی ابھی محدود ہے۔ اس حکمت عملی سے نئے کھلاڑیوں کو  فرسٹ موور ایڈوانٹیج  حاصل ہوسکتا ہے۔ دوسری جانب پہلے سے قائم کمپنیاں بڑے شہروں میں اپنے نیٹ ورک کو مزید مضبوط کرنے کے ساتھ ساتھ چھوٹے شہروں میں نسبتاً کم تعداد میں ڈارک اسٹورز قائم کرکے وہاں صارفین کی طلب اور کاروباری ماڈل کو آزما رہی ہیں۔ 
 کوئیک کامرس کمپنیوں کے ڈارک اسٹور عام صارفین کے لیے روایتی دکانوں کی طرح نہیں ہوتے۔ یہ چھوٹے گودام ہوتے ہیں جہاں روزمرہ استعمال کی اشیا پہلے سے رکھی جاتی ہیں اور آن لائن آرڈر ملتے ہی انہیں قریبی صارف تک تیزی سے پہنچایا جاتا ہے۔سی ایل ایس اے کی رپورٹ کے مطابق، ملک کے۱۰؍ بڑے شہروں میں ۳۵۳۶؍ ڈارک اسٹورز موجود ہیں، جن کے اعداد و شمار میں امیزون اور جیو مارٹ  شامل نہیں ہیں۔

یہ بھی پڑھئے:خواتین ہاکی ورلڈ کپ فائنل میں نیدرلینڈز اور ارجنٹائنا آمنے سامنے

بلنک اِٹ تقریباً ۳۰؍ فیصد ڈارک اسٹورز کے ساتھ ٹاپ ۱۰؍ شہروں میں سب سے بڑا نیٹ ورک رکھتا ہے۔ قومی سطح پر بھی اس کا حصہ ۳۴؍ فیصد سے زیادہ  بتایا گیا ہے۔  رپورٹ کے مطابق بلنک اِٹ  کی موجودگی صرف بڑے شہروں تک محدود نہیں ہے۔ کمپنی  ۱۸۰؍ سے زیادہ ایسے شہروں میں خصوصی طور پر کام کر رہی ہے جہاں دوسرے بڑے کوئیک کامرس پلیئرز موجود نہیں ہیں۔  یہ صورتحال بتاتی ہے کہ چھوٹے شہروں میں کوئیک کامرس کی دوڑ ابھی ابتدائی مرحلے میں ہے اور نئے علاقوں میں سب سے پہلے پہنچنے والی کمپنیوں کو صارفین بنانے کا فائدہ حاصل ہوسکتا ہے۔
سی ایل ایس اے نے بتایا کہ بڑے شہروں میں مقابلہ بھی تیزی سے بدل رہا ہے۔ فلپ کارٹ منٹس  نے ٹاپ ۱۰؍ شہروں میں ڈارک اسٹورز کی تعداد اور پن کوڈ کوریج کے معاملے میں سویگی انسٹامارٹ  کو پیچھے چھوڑ دیا ہے۔ دوسری طرف، گزشتہ ایک ماہ کے دوران ٹاپ تین کھلاڑیوں میں سویگی  نے سب سے زیادہ نئے ڈارک اسٹورز شامل کیے ، جس سے ظاہر ہوتا ہے کہ کمپنی اپنے موجودہ نیٹ ورک کی کثافت بڑھانے پر توجہ دے رہی ہے۔  
سی ایل ایس اے مطابق نئے علاقوں میں ڈارک اسٹورز کا چھوٹا نیٹ ورک قائم کرکے کمپنیوں کے لیے پہلے مقامی طلب، آرڈر کی تعداد اور  یونٹ اکنامکس  کو جانچنا آسان ہوتا ہے۔ اگر کسی علاقے میں کاروبار کامیاب رہتا ہے تو کمپنی بعد میں وہاں اپنا نیٹ ورک بڑھا سکتی ہے۔ رپورٹ میں یہ بھی کہا گیا ہے کہ جیسے جیسے چھوٹے شہروں میں صارفین کو کوئیک کامرس کی عادت پڑے گی، بڑے اور پہلے سے قائم پلیئرز کو بھی فائدہ ہوسکتا ہے کیونکہ انہیں ان بازاروں میں صارفین کو اس سروس سے متعارف کرانے پر اتنا زیادہ خرچ نہیں کرنا پڑے گا۔

یہ بھی پڑھئے:نِمرِت کور اہلووالیا نے ڈیڈ لفٹ کے دوران ہونے والی تکلیف دہ زخم پر بات کی

کوئیک کامرس کا اگلا مرحلہ صرف  ۱۰؍ یا۱۵؍ منٹ میں ڈیلیوری  تک محدود نہیں رہے گا۔ کمپنیوں کے درمیان اصل مقابلہ نئے شہروں میں داخل ہونے، ڈارک اسٹورز کی صحیح جگہ منتخب کرنے، زیادہ اشیا دستیاب رکھنے، تیز ڈیلیوری اور لاجسٹکس کی لاگت کو قابو میں رکھنے پر ہوگا۔سی ایل سی اے  کے مطابق، جیسے جیسے یہ نئے بازار ترقی کریں گے،  نیٹ ورک کا حجم اور آپریشنل کارکردگی  دونوں کمپنیوں کی کامیابی میں اہم کردار ادا کریں گے۔