Updated: October 03, 2026, 9:04 PM IST
| New Delhi
راہل گاندھی نے پورے ہندوستان میں احتجاج کو ایک نقشے پر لانے کے لیے ستیہ گرہ پلیٹ فارم لانچ کیا،انہوں نے لوگوں سے مہاتما گاندھی کی ۱۵۷؍ویں یوم پیدائش کے ایک دن بعد شروع کیے گئے `ستیہ گرہ پلیٹ فارم پر حکومت کے خلاف اپنے احتجاج کو رجسٹر کرنے کی اپیل کی، تاکہ جہاں بھی سچ کو کچلا جا رہا ہو وہاں لوگوں کی مدد کی جا سکے۔
راہل گاندھی۔ تصویر: آئی این این
کانگریس لیڈر راہل گاندھی نے سنیچر کو یہ کہتے ہوئے کہ اس سے لوگوں کی مدد ہوگی جہاں سچ کو کچلا جا رہا ہے ملک بھر میں مسئلہ پر مبنی احتجاج کو اکٹھا کرنے کے لیے ستیہ گرہ ڈیجیٹل پلیٹ فارم لانچ کیا۔راہل نے لوگوں سے مہاتما گاندھی کی۱۵۷؍ویں یوم پیدائش کے ایک دن بعد شروع کیے گئے پلیٹ فارم پر اپنے احتجاج کو رجسٹر کرنے کی اپیل کی اور کہا کہ یہ ان کی ذمہ داری ہے کہ سچ کو دبایا نہ جائے۔ انہوں نے ایکس پر ایک پوسٹ میں کہا ،’’پورے ملک میں لوگ اپنے حقوق کے لیے لڑ رہے ہیں ۔ اور اکثر اکیلے لڑ رہے ہیں۔ جین زی طلبہ، کسان، آدیواسی، دلت، خواتین ۔ ہر جدوجہد کی اپنی کہانی ہے۔ لیکن ایک تنہا آواز کو خاموش کرنا اکثر آسان ہوتا ہے۔ستیہ گرہ ان آوازوں کو ایک نقشے پر اکٹھا کرنے کی ایک پہل ہے۔‘‘
مہاتما گاندھی کا حوالہ دیتے ہوئے کانگریس ایم پی نے کہا، ’’باپو نے ہمیں سکھایا کہ سچ ہمارا سب سے بڑا ہتھیار ہے۔ لیکن اس سے بھی بڑا ہتھیار سچ کے ساتھ کھڑا ہونا ہے۔ اگر آپ بھی کسی ناانصافی کے خلاف لڑ رہے ہیں تو اپنی کہانی شیئر کریں۔ اس میں صرف دو منٹ لگیں گے۔‘‘راہل نے کہا کہ پلیٹ فارم پر درج کیے گئے احتجاج کو ستیہ گرہ نقشے پر جگہ ملے گی، انہوں نے مزید کہا ’’آپ دیکھیں گے کہ آپ کی طرح اور کون اپنی جنگ لڑ رہا ہے۔‘‘ انہوں نے مزید کہا، ’’اور میں جو بھی کر سکتا ہوں کروں گا ۔ پارلیمنٹ میں، سڑکوں پر، خطوط کے ذریعے، جہاں بھی میری ضرورت ہوگی ۔ آپ کے ساتھ کھڑا ہونے کے لیے۔ اپوزیشن لیڈر کے طور پر، یہ میری ذمہ داری ہے۔ مجھے اپنے ستیہ گرہ کی کہانی بتائیں۔‘‘
مزید برآں اعلان کے ساتھ پوسٹ کی گئی ایک ویڈیو میں، رائے بریلی ایم پی راہل گاندھی نے کہا، ’’جیسا کہ آپ سب جانتے ہیں، پورے ملک میں سچ کو دبایا جا رہا ہے، اور پورے ملک میں متعدد احتجاج ہو رہے ہیں، زمین، خواتین کے حقوق، دلت حقوق، او بی سی حقوق، تعلیم اور امتحانات سے متعلق احتجاج ملک بھر میں ہو رہے ہیں۔اور ہم ان احتجاجوں کو منظم کرنے میں مدد کرنا چاہتے ہیں، انہیں ایک نقشے پر اکٹھا کرنا چاہتے ہیں، اور آپ کے ساتھ مل کر کام کرنا چاہتے ہیں تاکہ یہ دیکھا جا سکے کہ کیا ہم آپ کی لڑائی کو حل کرنے میں آپ کی مدد کر سکتے ہیں۔ ستیہ گرہ ویب سائٹ پر ایک نظر ڈالیں۔ فارم بھریں۔ اپنی تحریک کا ویب سائٹ پر اندراج کریں، اور ہم دیکھنے کی کوشش کریں گے کہ ہم آپ کی مدد کیسے کر سکتے ہیں۔ ہم رابطے میں رہیں گے۔‘‘
راہل نے اپنے ویڈیو پیغام میں کہا،’’اپوزیشن لیڈر کے طور پر، میرے لیے لوگوں کی مزاحمت میں مدد کرنا ضروری ہے جہاں سچ کو کچلا جا رہا ہے۔ سچ اہم ہے۔ یہ اعلیٰ ترین سطحوں پر اہم ہے، لیکن یہ ضروری ہے کہ ہم ملک کے ہر کونے میں اس کے لیے لڑیں۔‘‘
