ایک رپورٹ نے میٹا پر فلسطین حامی مواد کو منظم طریقے سے دبانے کا الزام عائد کیا ہے، جن میں اکاؤنٹس کی معطلی، نمائش میں کمی، اور فیس بک اور انسٹاگرام پر مواد کی پابندیاں شامل ہیں۔

فلسطینی ڈیجیٹل رائٹس گروپ’’7amleh‘‘اور یوتریخت یونیورسٹی کے ایک محقق کی جانب سے جاری رپورٹ کے مطابق، ’’میٹا کے مواد کی نگرانی کے طریقہ کار نے فیس بک اور انسٹاگرام پر فلسطین حامی آوازوں کو منظم طور پر محدود کیا ہے۔‘‘پلیٹ فارم سائیڈ آف فلسطین۲۰۲۱ء تا ۲۰۲۵ء ‘‘کے عنوان سے یہ رپورٹ جنوری۲۰۲۱ء سے دسمبر۲۰۲۵ء تک’’ 7amleh ‘‘کے فلسطینی آبزرویٹری برائے ڈیجیٹل رائٹس کی خلاف ورزیاں‘‘ میں جمع کرائے گئے۳۵۲۰؍ معاملات کا جائزہ لیتی ہے۔ان معاملات میں اکاؤنٹس کی معطلی، پوسٹس کو ہٹانا، لائیوا سٹریمنگ پر پابندیاں، اور مواد کی تقسیم میں کمی شامل ہیں۔

یہ بھی پڑھئے: مارک رُفالو، ہاویئربارڈیم سمیت دیگر فنکاروں نے غزہ میں اسرائیلی خلاف ورزیوں کے خلاف آواز بلند کی

 رپورٹ ’’پلیٹ فارم سائیڈ‘‘کی اصطلاح استعمال کرتی ہے تاکہ اسے بیان کیا جا سکے کہ وہ سوشل میڈیا پر فلسطینیوں کی موجودگی اور شرکت کو ساختی طور پر مٹانے کا عمل سمجھتی ہے۔اگرچہ رپورٹ یہ نتیجہ نہیں نکالتی کہ میٹا نے جان بوجھ کر انفرادی صارفین کو سینسر کیا، تاہم وہ استدلال کرتی ہے کہ بار بار ہونے والی پابندیوں کو محض الگ تھلگ تکنیکی یا نگرانی کی غلطیوں سے تعبیر نہیں کیا جا سکتا۔دستاویز کیے گئے معاملاتمیں سے صرف۳۲؍ اعشاریہ ۵؍ میں کسی قدر قابل شناخت پالیسی کی خلاف ورزی پائی گئی۔  جبکہ جن معاملات میں کوئی وجہ فراہم کی گئی، ان میں میٹا کی ’’خطرناک تنظیمیں اور افراد پالیسی‘‘ ۵۷؍ اعشاریہ ۲؍ فیصدپابندیوں کا سبب بنی، جبکہ صحافیوں سے متعلق معاملات میں یہ شرح۷۱؍ اعشاریہ ایک فیصد تک بڑھ گئی۔جبکہ یہ پالیسی دہشت گرد اور متشدد تنظیموں کی حمایت کو روکنے کے لیے بنائی گئی ہے، تاہم رپورٹ کا کہنا ہے کہ اسے صحافیوں، میڈیا تنظیموں، کارکنوں اور سول سوسائٹی کی تنظیموں پر بہت وسیع پیمانے پر لاگو کیا گیا ہے جو فلسطین اور غزہ پر اسرائیل کی جنگ کا احاطہ کرتی ہیں۔

یہ بھی پڑھئے: مغربی کنارہ: اسرائیلی فوج نے ۱۶؍ فلسطینی گھر ضبط کئے، فوجی چوکیوں میں تبدیل

فلسطین حامی آوازوں کے خلاف کارروائی میں اکاؤنٹس کی معطلی سب سے عام اقدام تھا، جس نے دستاویز کیے گئے معاملاتمیں سے تقریباً ایک تہائی کو متاثر کیا۔ تحقیق میں کم نمایاں پابندیوں کی بھی نشاندہی کی گئی، جن میں رسائی میں کمی اور سفارشات کی فلٹرنگ شامل ہیں، جسے صارفین عام طور پر ’’شیڈو بیننگ‘‘ کہتے ہیں۔رپورٹ کے مطابق، 7amleh کی جانب سے متاثرہ صارفین کی طرف سے جمع کرائی گئی۲۸۲۸؍ اپیلوں میں سے تقریباً نصف کو میٹا کی جانب سے کوئی جواب نہیں ملا۔حالانکہ میٹا نے پہلے کہا تھا کہ وہ عربی زبان کی نگرانی کی درستگی کو بہتر بنانے، مواد کو متعلقہ عربی زبان سے واقف جائزہ لینے والوں تک پہنچانے، اور صارفین کو نفاذی فیصلوں کی واضح وضاحتیں فراہم کرنے پر کام کر رہا ہے۔
آخر میں  رپورٹ میٹا سے مطالبہ کرتی ہے کہ وہ ایک آزاد انسانی حقوق کا جائزہ شروع کرے، ’’خطرناک تنظیمیں اور افراد‘‘ پالیسی کے اطلاق میں اصلاح کرے، اور صحافتی اور عوامی مفاد کے مواد کے لیے تحفظات کو مضبوط کرے۔