امریکہ کی ریاست کیلیفورنیا میں ایک بجلی گھر میں آگ لگنے کے باعث ایک لاکھ۳۰؍ ہزار سے زیادہ افراد بجلی سے محروم ہو گئے ہیں۔

امریکہ کی ریاست کیلیفورنیا میں ایک بجلی گھر میں آگ لگنے کے باعث ایک لاکھ۳۰؍ ہزار سے زیادہ افراد بجلی سے محروم ہو گئے ہیں۔ یہ انکشاف نگرانی سروس پاور آؤٹیج کے ڈیٹا سے ہوا ہے۔ اعداد و شمار کے مطابق، رات ایک بجکر۴۵؍ منٹ تک کیلیفورنیا میں ایک لاکھ۳۰؍ ہزار سے زائد صارفین بجلی کے بغیر تھے جن میں سے تقریباً ایک لاکھ۲۵؍ ہزار افراد سان فرانسسکو میں ہیں۔ سان فرانسسکو کے فائر ڈپارٹمنٹ کے مطابق، پی جی اینڈ ای کارپوریشن کے ایک سب اسٹیشن میں آگ لگ گئی ہے اور اسے بجھانے کی کوششیں جاری ہیں۔ 

یہ بھی پڑھئے: سویڈن: ویسٹ بینک کے الحاق کے خلاف احتجاج، جنگ بندی کی خلاف ورزی پر تنقید

سان فرانسسکو کے میئر ڈینیئل لُوری نے سوشل میڈیا پلیٹ فارم ایکس پر لکھا کہ بجلی بند ہونے کے باعث عوامی ٹرانسپورٹ اور ٹریفک لائٹس متاثر ہوئی ہیں۔ انہوں نے شہریوں سے اپیل کی ہے کہ بجلی بحال ہونے تک گھروں میں ہی رہیں۔