ثاقب سلیم نے اپنی حالیہ دھماکہ خیز ریلیزکپتان کے ذریعے اسکرین پر دھوم مچا دی ہے، جو ایک ہائی اسٹیکس ایکشن تھرلر ہے اور امیزون ایم ایکس پلیئر پر اسٹریم ہو رہی ہے۔ حال ہی میں اداکار نے اس سیریز کے شدید ایکشن سینز کی شوٹنگ کے دوران پیش آنے والی جسمانی مشکلات کے بارے میں کھل کر بات کی۔

ثاقب سلیم نے اپنی حالیہ دھماکہ خیز ریلیزکپتان   کے ذریعے اسکرین پر دھوم مچا دی ہے، جو ایک ہائی اسٹیکس ایکشن تھرلر ہے اور امیزون ایم ایکس پلیئر  پر اسٹریم ہو رہی ہے۔ حال ہی میں اداکار نے اس سیریز کے شدید ایکشن سینز کی شوٹنگ کے دوران پیش آنے والی جسمانی مشکلات کے بارے میں کھل کر بات کی۔ انہوں نے کہاکہ ’’ہائی آکٹین ایکشن اسکرین پر جتنا سنسنی خیز لگتا ہے، اس کے ساتھ اپنے خطرات بھی ہوتے ہیں۔‘‘
انہوں نے مزید بتایاکہ ’’ایک سنسنی خیز ایکشن شاٹ کی شوٹنگ کے دوران، ایک سیکوئنس میں میری کلائی زخمی ہو گئی اور میں اپنی کلائی پر گر پڑا۔ حرکت اچانک تھی، اس لیے چوٹ لگ گئی۔ اگرچہ حفاظتی انتظامات موجود تھے، لیکن ہم اس لمحے کی شدت میں پوری طرح ڈوبے ہوئے تھے۔ شکر ہے کہ چوٹ زیادہ سنگین نہیں تھی اور میں جلد ہی سیٹ پر واپس آ گیا۔کپتان  کے ایکشن سینز بہت خام  اور حقیقی لگتے ہیں، اور میں اس میں اپنا مکمل حصہ ڈالنا چاہتا تھا۔‘‘

یہ بھی پڑھئے:اداکار کے طورپر کام حاصل کرنے کیلئے جتیندر نے ۵؍ سال جدوجہد کی

سب سے خاص بات ثاقب سلیم کا شوٹ پر واپس آنے کا جذبہ رہا، جس سے صاف ظاہر ہوتا ہے کہ رکنا ان کے لیے کوئی متبادل نہیں تھا ۔ کپتان ایک جسمانی طور پر چیلنجنگ اور تہہ دار سیریز ہے  اور اس میں ثاقب سلیم کی محنت واضح نظر آتی ہے، جہاں وہ ایک سرشار پولیس افسر سمر دیپ سنگھ کے کردار میں دکھائی دیتے ہیں۔ ان کی محنت رنگ لائی ہے!

یہ بھی پڑھئے:یہ بھی پڑھئے:خام تیل۱۱۰؍ ڈالر فی بیرل کے پار، ملک پر۱۶؍ ہزارکروڑ کا اضافی بوجھ

ایکشن اور ذہنی کھیلوں سے بھرپوکپتان سیریز  امیزون ایم ایکس پلیئر پر ریلیز ہوتے ہی توجہ حاصل کرنا شروع کر دی ہے  اور ایک پولیس افسر کے طور پر ثاقب سلیمکے اس نئے روپ نے ناظرین کو اس ویک اینڈ بنج واچ کے لیے ایک سنسنی خیز سیریز فراہم کر دی ہے۔