مسجد نبوی میں رمضان کے دوران روزانہ۱۵؍ لاکھ سے زائد کھجوریں افطارکیلئے فراہم کی جاتی ہیں۔ روزہ داروں کو جو افطار پیکٹ تقسیم کئے جاتے ہیں ان میں ہر ایک میں سات کھجوریں شامل ہوتی ہیں۔

دنیا بھر کے مسلمانوں کیلئے کھجوریں ایک خاص اہمیت رکھتی ہیں جو رمضان کے دوران ہر افطار دسترخوان پر موجود ہوتی ہیں۔ مسجد نبوی میں رمضان کے دوران روزانہ۱۵؍ لاکھ سے زائد کھجوریں افطارکیلئے فراہم کی جاتی ہیں۔ روزہ داروں کو جو افطار پیکٹ تقسیم کئے جاتے ہیں ان میں ہر ایک میں سات کھجوریں شامل ہوتی ہیں۔ مدینہ منورہ کے باغات میں مختلف اقسام کی کھجوریں پیدا ہوتی ہیں ان میں الروثانہ، العجوۃ، العنبرۃ، الصفاوی، الصقعی، برنی المدینہ، برنی العیص، بیضاء المھد، المبروم، الحلیہ، الجبیلی، اللبانہ، المشروک، المجدول، الربیعہ اور الشلبی کھجوریں شامل ہیں۔ 

یہ بھی پڑھئے: پیدائشی شہریت پر پابندیوں کو جزوی طور پرنافذ کیا جائے: ٹرمپ کی عدالت سے درخواست

مدینہ منورہ کی کھجوروں کو ان کے ذائقے کے باعث یہاں آنے والے زائرین پسند کرتے ہیں اور اپنے آبائی ممالک واپسی سے پہلے بڑی مقدار میں یہ کھجوریں خریدتے ہیں۔ بتا دیں کہ مدینہ منورہ میں کھجور کے درختوں کی مجموعی تعداد۷۰؍ لاکھ سے زائد ہے جو۲۹؍ ہزار سے زیادہ فارمز پر پھیلے ہوئے ہیں ان سے ۳۴۰؍ہزار ٹن مختلف اقسام کی کھجوریں پیدا ہوتی ہیں جو مملکت میں کھجوروں کی کل پیداوار کا تقریبا۱۸؍ فیصد ہے۔ یہ کھجوریں براہ راست مقامی مارکیٹ میں فروخت کی جاتی ہیں یا ذخیرہ کی جاتی ہے۔ ان کھجوروں کو مختلف پیکٹس اور سائز میں مارکیٹ کو سپلائی کیا جاتا ہے۔ اس مقصد کیلئے پیکیجنگ اور پروسیسنگ کے ۴۴؍کارخانے کام کررہے ہیں۔ اس کے علاوہ کھجورکی مختلف مصنوعات بھی تیار کی جاتی ہیں۔