بی ایم سی نے ۹۰۰؍ کروڑروپے کےتخمینے سے ۲؍پل تعمیر کرنے کا منصوبہ بنایا ہے۔

برہن ممبئی میونسپل کارپوریشن (بی ایم سی) کا سائن- پنویل ہائی وے کو گھاٹکوپر- مانخوردلنک روڈ فلائی اوور سے جوڑنے کیلئے ۲؍ بلند فلائی اوور بنانے کا منصوبہ ہے جس پر۹۱۸؍ کروڑ سے زیادہ کی لاگت آئے گی۔ ایک فلائی اوور گھاٹکوپر-مانخورد لنک روڈ فلائی اوور سے واشی کی طرف آنے والی گاڑیوں کیلئے ہو گا اور دوسرا واشی سے گھاٹکوپر- مانخورد لنک روڈ فلائی اوور تک ہوگا۔ ۷۰۰؍کروڑ روپے کی لاگت سے تعمیر ہونے والے گھاٹکوپر- مانخورد لنک روڈ فلائی اوور سے زیادہ لاگت ان دونوں پلوں کی ہوگی۔ 
راہل نامی پوائی کے رہائشی نے کہا کہ ’’واشی سے آتے ہوئے ایسٹرن ایکسپریس ہائی وے پر جانے والے گھاٹکوپر-مانخورد لنک روڈ کا جنکشن یقینی طور پر رکاوٹ کی وجہ سے جام رہتا ہے اور اسے ٹریفک سے پاک کرنے کی ضرورت ہے لیکن ۹۰۰؍ کروڑ روپےسے زیادہ کی لاگت بہت زیادہ ہے۔ بی ایم سی کے بریج ڈپارٹمنٹ کے ایک اہلکار جس نے اپنا نام ظاہر نہیں کیا، نے اس قیمت کا جواز پیش کرتے ہوئے کہا کہ بلند بازو ۱ء۵؍ کلومیٹر سے زیادہ کے۲+۲؍ لین کے ہوں گے اور کام ، ڈیزائن، مواد، مطلوبہ مواد کو دیکھتے ہوئے لاگت کا حساب منظور شدہ نرخوں کے مطابق کیا گیا ہے۔ دونوں بازوؤں پر کام بیک وقت شروع کیا جائے گا، ان حصوں کے ساتھ جہاں سے اجازت لی گئی ہے، پہلے اس وقت تک شروع کر دی جائے گی جب تک کہ دوسری اجازت نامے موصول نہ ہوجائیں۔ اس کے علاوہ یہ ایک ایسی جگہ پر واقع ہے جہاں کئی اہم یوٹیلیٹی (شہری سہولیات) لائنیں ہیں، فلائی اووروں کی تعمیر میں ایک اہم رکاوٹ مختلف حکام سے اجازت حاصل کرنا ہوگی۔ ایم ایس ای ڈی سی ایل اور ٹاٹا پاور کی ایلیویٹڈ ہائی وولٹیج لائنیں، ایک گیل گیس پائپ لائن، ایک ایچ پی سی ایل بلیک آئل پائپ لائن، پانی کے مینز اور سیوریج لائنیں جو سڑک کے نیچے سے گزرتی ہیں۔