مائیکروسافٹ نے کم و بیش ۲۲؍ سال بعد اپنی مشہور کال اور میسجنگ سروس ’’اسکائپ‘‘ کو ۵؍ مئی کو بند کردیا۔ جانئے اس پر موجود آپ کے ڈیٹا کا کیا ہوگا؟

دنیا بھر کے لوگوں کو ایک دوسرے سے جوڑنے اور اس ٹیکنالوجی میں انقلاب لانے کے دو دہائیوں بعد اسکائپ ( Skype ) آج بند ہوگیا۔ یہ ایک دور کے خاتمے کی علامت ہے۔ اسکائپ کی پیرنٹ کمپنی مائیکروسافٹ نے فروری میں اسے بند کرنے کا اعلان کرتے ہوئے کہا تھا کہ مفت ویڈیو کالنگ پورٹل کی جگہ مائیکروسافٹ ٹیمز لے گا۔اسکائپ فار بزنس صارفین کو مائیکروسافٹ ٹیمز میں ضم کر دیا جائے گا، جو بہت سے فیچرز سے لیس ہے۔ 

یہ بھی پڑھئے: فلسطین حامی خاتون کی غزہ پر خاموشی کے سبب امریکی قانون ساز کی تقریر میں مداخلت

آپ کے اسکائپ اکاؤنٹ کا کیا ہوگا؟
(۱) صارفین کو صرف اپنے موجودہ اسکائپ لاگ اِن کے ساتھ مائیکروسافٹ ٹیمز میں لاگ ان کرنے کی ضرورت ہے، اور ان کے چیٹ اور رابطے خود بخود ان کیلئے دستیاب ہوں گے۔
(۲) اگر کوئی صارف ٹیمز استعمال نہیں کرنا چاہتا تو وہ اپنا اسکائپ ڈیٹا ڈاؤن لوڈ کرنے اور کسی دوسرے ویڈیو کالنگ سروس میں منتقلی کا انتخاب کر سکتا ہے۔
(۳) صارفین کے پاس جنوری ۲۰۲۶ء تک اپنا Skype ڈیٹا برآمد یا حذف کرنے کا وقت ہوگا۔
(۴) اگر صارفین اس وقت تک مائیکروسافٹ ٹیمز فری میں لاگ ان ہوتے ہیں، تو اسکائپ کال اور چیٹ ہسٹری ان کے لیے دستیاب رہے گی۔
(۵) اگر صارف کوئی کارروائی نہیں کرتا ہے، تو جنوری ۲۰۲۶ء میں اسکائپ کا ڈیٹا حذف کر دیا جائے گا۔

اسکائپ ڈیٹا کو کیسے برآمد کیا جائے؟
(۱) اپنے مائیکروسافٹ اکاؤنٹ کا استعمال کرتے ہوئے اسکائپ ایکسپورٹ پیج میں سائن ان کریں۔
(۲) اپنی چیٹ، فائلیں، یا دونوں کو ڈاؤن لوڈ کرنے کا اختیار منتخب کریں۔
(۳) ’’درخواست جمع کریں‘‘ کو منتخب کریں، پھر جب اشارہ کیا جائے تو ’’کنٹی نیو‘‘ کو منتخب کریں۔
(۴) ایکسپورٹ کا عمل مکمل ہونے پر، ڈاؤن لوڈ پر کلک کریں۔

یہ بھی پڑھئے: گوتم اڈانی کی ٹیم کی رشوت مقدمات کو خارج کرنے کیلئے ٹرمپ انتظامیہ سے ملاقات : رپورٹ

اسکائپ کیوں بند ہوا؟
وہاٹس ایپ، زوم، انسٹاگرام اور دیگر سوشل میڈیا پلیٹ فارمز کی آمد کے بعد صارفین میں اسکائپ کی مقبولیت کم ہوتی گئی۔ وبائی دور میں اس کے صارف سب سے زیادہ کم ہوئے۔ ۲۰۲۵ء میں اسکائپ کے صرف ۲۳؍ ملین صارفین تھے۔