اسپین کے وزیر اعظم پیڈرو سانچیز نے مشرق وسطیٰ کے دورے پر کہا کہ موسم گرما سے قبل فلسطین کو ایک علاحدہ ملک کے طور پر تسلیم کرنے کا منصوبہ ہے اور اس کی تجویز وہ اسپینی پارلیمنٹ میں بھی پیش کریں گے۔ حال ہی میں اسپین، آئرلینڈ، سلووینیا اور مالٹا کے سربراہان نے ایک مشترکہ بیان جاری کرتے ہوئے اعلان کیا ہے کہ وہ فلسطینی ریاست کو تسلیم کریں گے۔

اسپین کے وزیر اعظم پیڈرو سانچیز نے کہا کہ موسم گرما سے پہلے فلسطین کو ایک علاحدہ ملک کے طور پر تسلیم کرنے کا منصوبہ ہے۔ مقامی میڈیا رپورٹس کے مطابق، سانچیز نے پیر کو مشرق وسطیٰ کے سرکاری دورے پر اپنے ساتھ آنے والے صحافیوں کے ساتھ غیر رسمی گفتگو کے دوران یہ اعلان کیا۔
۹؍ مارچ کو سانچیز نے کہا کہ وہ تجویز کریں گے کہ اسپین کی پارلیمنٹ فلسطینی ریاست کو تسلیم کرے۔ واضح رہے کہ حال ہی میں اسپین، آئرلینڈ، سلووینیا اور مالٹا کے سربراہان نے ایک مشترکہ بیان جاری کرتے ہوئے اعلان کیا ہے کہ وہ فلسطینی ریاست کو تسلیم کریں گے۔
بیان میں کہا گیا ہے کہ ممالک کے لیڈروں نے اس بات پر اتفاق کیا کہ ’’خطے میں پائیدار امن اور استحکام کے حصول کا واحد راستہ دو ریاستی حل پر عمل درآمد ہے، جس میں اسرائیل اور فلسطین، علاحدہ ممالک کے ساتھ امن اور سلامتی کے ساتھ شانہ بشانہ رہیں۔‘‘