طلباء کی طرح طالبات نے بھی دینی علوم حاصل کرنے کے ساتھ ایس ایس سی میں نمایاں نمبرات سے کامیابی درج کرائی۔ مالونی گیٹ نمبر ۷؍ جامع مسجد کےپیچھے واقع جامعہ فقیہۃ البنات میں زیر تعلیم عالمہ کا کورس کرنے والی ۱۳؍ طالبات نے ایس ایس سی میں شاندار کامیابی حاصل کی۔

طلباء کی طرح طالبات نے بھی دینی علوم حاصل کرنے کے ساتھ ایس ایس سی میں نمایاں نمبرات سے کامیابی درج کرائی۔ مالونی گیٹ نمبر ۷؍ جامع مسجد کےپیچھے واقع جامعہ فقیہۃ البنات میں زیر تعلیم عالمہ کا کورس کرنے والی ۱۳؍ طالبات نے ایس ایس سی میں شاندار کامیابی حاصل کی۔ معروف بزرگ حافظ ساجد علی میاں صابری ؒکے ذریعے قائم کردہ اس ادارے میںکئی برس سے طالبات علوم نبویہ حاصل کررہی ہیں۔ یہ پہلا موقع تھا جب ادارے میںزیرتعلیم ۱۳؍طالبات نے ایس ایس سی امتحان دیا اورکامیابی درج کرائی۔ادارہ کے موجودہ سربراہ سید مخدوم صابری نے نمائندۂ انقلاب کو بتایاکہ ’’حکومت ِ مہاراشٹر کی جانب سے دی جانے والی امداد سے یکم تا ۸؍ویں جماعت تک باضابطہ عصری تعلیم کابھی نظم کیا گیا ہے۔۹؍ویں اور دسویں کی تیاری کے لئے ماہر اور باصلاحیت اساتذہ کی خدمات حاصل کی گئی ہیں جو اُن کی تربیت کرتے ہیں۔ ‘‘ انہوں نے یہ بھی بتایاکہ ’’ پہلی دفعہ ۱۳؍ طالبات کی کامیابی سے ادارے کے ذمہ داران اور اساتذہ کونہ صر ف خوشی ہوئی بلکہ کافی حوصلہ ملا ہے۔ اس سے یہ بھی اندازہ ہوا کہ اوربہتررہنمائی سے آئندہ مزید طالبات کی کامیابی کویقینی بنایا جاسکتا ہے۔‘‘