اسرائیل نے شام کو تقسیم کرنے اور ایران کے ساتھ جنگ کو ہوا دینے کی کوشش کی، یہ کہنا ہے شامی صدر احمد الشرع کا،انہوں نے کہا کہ ان کا ملک اسرائیل کے ساتھ ایک حفاظتی معاہدے پر بات چیت میں مصروف ہے جس کا مقصد۱۹۷۴ء کے معاہدے کو بحال کرنا یا اسی طرح کا کوئی لائحہ عمل اپنانا ہے۔

شام کے صدر احمد الشرع نے کہا ہے کہ’’ اسرائیل کا شام کو تقسیم کرنے اور شام کو ایران کے ساتھ میدان جنگ میں گھسیٹنے کا منصوبہ تھا۔‘‘جمعہ کو شامی چینل الاخباریہ کے ساتھ ایک ٹیلی ویژن انٹرویو میں، الشرع نے کہا کہ اسرائیل ’’بشار الاسد کی حکومت کے خاتمے سے حیران تھا۔‘‘انہوں نے کہا کہ  ان کا ملک اسرائیل کے ساتھ ایک حفاظتی معاہدے پر بات چیت میں مصروف ہے جس کا مقصد ۱۹۷۴ء کے معاہدے کو بحال کرنا یا اسی طرح کا کوئی لائحہ عمل اپنانا ہے۔واضح رہے کہ اسرائیل نے ۱۹۶۷ءسے شام کی گولان کی پہاڑیوں پر قبضہ کر رکھا ہے اور۲۰۲۴ء کے اواخر میں بشار الاسد کے اقتدار سے ہٹائے جانے کے بعد سے اپنی دراندازی میں اضافہ کر  دیا ہے۔