نوجوان بزنس مین یوسف آریوبی، جو کابل اور کیلیفورنیا میں سفر کرتے رہتے ہیں، نے ۵۰ سیکنڈ کی یہ ویڈیو کلپ تیار کی ہے جو طالبان سے منسلک سوشل میڈیا اکاؤنٹس پر گردش کررہی ہے۔

طالبان سے منسلک سوشل میڈیا اکاؤنٹس پر ایک ۵۰ سیکنڈ کی ویڈیو کلپ گردش کررہی ہے جو افغانستان کی ایک جنگ سے متاثرہ علاقہ کی شبیہ کو مٹاتے ہوئے ملک کو ایڈونچر اور سیاحتی مقام کے طور پر پیش کرتی ہے۔ ۲۸ سالہ بزنس مین یوسف آریوبی، جو کابل اور کیلیفورنیا میں سفر کرتے رہتے ہیں، نے یہ انوکھا ویڈیو تیار کیا ہے جس نے لاکھوں انٹرنیٹ صارفین کو یکساں طور پر ہنسنے، شرمانے اور اجتماعی طور پر سر کھجانے پر مجبور کر دیا ہے۔

What in seven worlds makes Afghanis think Americans will visit Afghanistan after watching that promotional video?

It looks more like a hostage trailer than a tourism ad:)pic.twitter.com/TWoqFhfTpr

— Saahil Kaushik (@KaushikSaahil) July 8, 2025

ویڈیو کا آغاز ایک کلاسک یرغمالی بحران کی طرح ہوتا ہے جس میں ایک نقاب پوش شخص زمین پر گھٹنوں کے بل بیٹھا ہوتا ہے اور ایک پراسرار موسیقی بج رہیی ہے۔ پھر کہانی میں ایک موڑ آتا ہے! نقاب ہٹتا ہے اور ایک کھلی آنکھوں والا سیاح ظاہر ہوتا ہے جو ڈزنی لینڈ کے گریٹر کی توانائی کے ساتھ چہکتا ہے:”افغانستان میں خوش آمدید!“ اس کے بعد ایک غیر حقیقی مونٹیج آتا ہے جو نیشنل جیوگرافک اور جیکاس کا امتزاج لگتا ہے۔ ویڈیو میں مسلح مقامی افراد امن کا نشان دکھاتے ہیں اور یوگا کے آسن آزماتے دکھائی دیتے ہیں۔ ویڈیو میں کئی افراد کو پیش کیا گیا ہے جن میں سے کوئی ٹینک کے بیرل کا استعمال کرتے ہوئے چن-اپس کررہا ہے تو کوئی بندوق پکڑے اپنے سر پر گھونسلا بنائے طوطے کے ساتھ کھانا کھا رہا ہے۔ ایک منظر میں، ایک سیاح امریکی حکومت کے مہر شدہ ایم-۴ رائفل کو سنبھالتے ہوئے ہنستا ہے اور کہتا ہے، ”یہ سیفٹی پر بھی نہیں ہے!“

یہ بھی پڑھئے: ترکی: ’’انٹرنیشنل نصرالدین فیسٹیول‘‘ کا انعقاد، ۸۰۰؍سالہ ورثے کے احیا کی کوشش

اس ویڈیو میں ملک کے قدرتی مناظر، آبشار، قدیم بازار، غاروں میں رہنے والے خاندان اور دیو ہیکل تربوز کو بھی دکھایا گیا ہے۔ یہ ویڈیو ایک سفری اشتہار کی طرح ہے۔ لیکن اہم بات یہ ہے کہ یہ ویڈیو ایک طنز کے طور پر نہیں بنایا گیا ہے؛ کم از کم مکمل طور پر نہیں۔ یوسف، جو رضا افغانستان نامی ٹور ایجنسی چلاتے ہیں، نے بتایا کہ یہ ویڈیو ”مغرب کے افغانستان کو دیکھنے کے طریقے کا مذاق اڑانے“ کیلئے بنایا گیا تھا۔ یہ ویڈیو دکھاتا ہے کہ افغانستان آنے والے ان کے مہمان درحقیقت کیا تجربہ کرتے ہیں۔ انہوں نے مزید کہا کہ ہم ثقافتی، تاریخی اور ایڈونچر پیکجز کا ایک امتزاج پیش کرتے ہیں۔ سیاح قدیم قلعوں، اسکولوں اور یہاں تک کہ چٹانوں میں بنے گھروں کو بھی دیکھتے ہیں۔ امریکی حکومت کی افغانستان کے سفر کے خلاف سخت انتباہ کے باوجود، یوسف کا اصرار ہے کہ ان کے دورے محفوظ ہیں اور غیر ملکی سیاحوں کو کوئی خطرہ نہیں۔