سپریہ سُلے کی یقین دہانی، اشارہ دیا کہ پرکاش امبیڈکر ’انڈیا‘ اتحاد میں شامل ہو ںگے، ’ہٹلر شاہی‘ ختم کرنے کاعزم۔
EPAPER
Updated: January 02, 2024, 9:36 AM IST | Agency | Mumbai
سپریہ سُلے کی یقین دہانی، اشارہ دیا کہ پرکاش امبیڈکر ’انڈیا‘ اتحاد میں شامل ہو ںگے، ’ہٹلر شاہی‘ ختم کرنے کاعزم۔
لوک سبھا الیکشن کیلئے مہاوکاس اگھاڑی میں سیٹوں کی تقسیم کے تعلق سے این سی پی کی سینئر لیڈر سپریہ سُلے نے پیر کو دعویٰ کیا کہ سیٹوں کی تقسیم کا عمل پورا ہو چکا ہے اور ۸؍ تا ۱۰؍ دنوں میں اس کاباضابطہ اعلان بھی کر دیاجائے گا۔
این سی پی کے رکن پارلیمان نے پرکاش امبیڈکر کی ونچت بہوجن اگھاڑی کو انڈیا اتحاد میں شامل کرنے سے متعلق سوال کے جواب میں کہا کہ ’’پرکاش امبیڈکر ہمارےلئے محترم ہیں ۔وہ ملک کے بڑے لیڈر بھی ہیں ۔آئین کی تشکیل اور ملک کی ترقی میں ان کے خاندان کی خدمات کو فراموش نہیں کیا جاسکتا۔ ہمیں امید ہے کہ ملک کے آئین کو بچانے اور ہٹلر شاہی کو ختم کرنے کیلئے پرکاش امبیڈکر بھی انڈیا اتحاد میں شامل ہوں گے۔‘‘
انہوں نے کہا کہ’’ شیوسینا کے سربراہ ادھو ٹھاکرے، این سی پی سربراہ شرد پوار، کانگریس لیڈر سونیا گاندھی اور کانگریس صدر ملکارجن کھرگے کے درمیان کچھ دن پہلے نئی دہلی میں ایک اہم میٹنگ ہوئی تھی۔ اس میٹنگ میں تمام پارٹیوں کے سینئر لیڈروں نے شرکت کی۔ اس میٹنگ میں سیٹوں کی تقسیم کا فارمولہ طے کرلیا گیاتھا۔ اسے غیر رسمی طور پر سیل کر دیا گیا ہے، صرف اس کا باضابطہ اعلان باقی ہے۔اگلے ۸؍ تا ۱۰؍ دنوں میں یہ اعلان بھی کردیا جائے گا۔‘‘