ٹرمپ نے اپنی ’انتہائی خراب تصویر‘ کی اشاعت کے مقاصد پر سوال اٹھاتے ہوئے کہا کہ ٹائم میگزین کی تصویر کا انتخاب ”قابل مذمت ہے۔“

ٹائم میگزین نے اپنے تازہ شمارے کے سرورق پر امریکی صدر ٹرمپ کی تصویر شائع کی ہے۔ اس شمارے میں غزہ جنگ بندی اور ٹرمپ کے امن معاہدے کے بارے میں ایک کور اسٹوری شامل ہے۔ تاہم، ٹرمپ اپنی تصویر سے خوش نہیں ہیں۔ انہوں نے اس تصویر کو ’انتہائی خراب تصویر‘ قرار دیتے ہوئے میگزین کو شدید تنقید کا نشانہ بنایا۔ 

The living Israeli hostages held in Gaza have been freed under the first phase of Donald Trump`s peace plan, alongside a Palestinian prisoner release. The deal may become a signature achievement of Trump`s second term, and it could mark a strategic turning point for the Middle… pic.twitter.com/0bZDABIDGj

— TIME (@TIME) October 13, 2025

صدر نے منگل کو اپنے سوشل میڈیا پلیٹ فارم ’ٹروتھ سوشل‘ پر لکھا کہ ”ٹائم میگزین نے میرے بارے میں ایک نسبتاً اچھا آرٹیکل لکھا ہے، لیکن سرورق پر شاید ”اب تک کی انتہائی خراب“ تصویر لگائی ہے۔ انہوں نے میرے بال ’غائب‘ کر دیئے اور میرے سر کے اوپر کچھ تیرتا ہوا رکھ دیا جو ایک چھوٹے تاج کے جیسا لگ رہا تھا۔“

ٹرمپ نے اس تصویر کو ”واقعی عجیب“ قرار دیا اور کہا کہ انہیں ”نیچے کے زاویوں سے لی گئی تصاویر پسند نہیں آتیں۔“ انہوں نے اس تصویر کی اشاعت کے مقاصد پر سوال اٹھاتے ہوئے مزید کہا کہ میگزین کی تصویر کا انتخاب ”قابل مذمت ہے۔“