ایرانی پارلیمنٹ کے ڈپٹی اسپیکر حمید رضا حاجی بابائی نے دعویٰ کیا ہے کہ واشنگٹن اپنے اتحادیوں کو متحد کرنے میں ناکام رہا ہے۔ سرکاری خبر رساں ایجنسی ارنا (IRNA) کے مطابق، بابائی نے کہا کہ اپنے اہداف کے حصول میں امریکہ ”تنہا کھڑا ہے۔“ انہوں نے ایران کے خلاف ٹرمپ کی حالیہ دھمکیوں کو ”امریکی مایوسی“ کا ثبوت قرار دیا۔ انہوں نے دلیل دی کہ حقیقی طاقت رکھنے والے کسی بھی ملک کو دھمکیوں کا سہارا لینے کی ضرورت نہیں پڑتی۔

امریکی صدر ڈونالڈ ٹرمپ نے اس بات کی تردید کی کہ چین اور روس، امریکہ کے خلاف جنگ میں ایران کی مدد کر رہے ہیں۔ انہوں نے کہا کہ وہ اس بات پر یقین نہیں رکھتے کہ چین اور روس ایران کی مدد کر رہے ہیں۔ بیجنگ اور ماسکو کی جانب سے تہران کی معاونت کے دعوؤں کا جواب دیتے ہوئے ٹرمپ نے ٹروتھ سوشل پر لکھا: ”اگر وہ کر بھی رہے ہیں تو یہ بہت نچلی سطح پر ہے، لیکن مجھے بالکل یقین نہیں ہے کہ وہ ایسا کر رہے ہیں۔“ انہوں نے مزید کہا، ”ان کے پاس کھونے کیلئے بہت کچھ ہے۔ ہمیں اس کا علم ہو جائے گا اور بہت جلد علم ہو جائے گا!“

ٹرمپ کے یہ تبصرے جولائی کی ایک پوسٹ سے مماثلت رکھتے ہیں جس میں انہوں نے کہا تھا کہ چینی صدر شی جن پنگ نے انہیں یقین دہانی کرائی تھی کہ بیجنگ چینی کمپنیوں کے ذریعے بھی ”کسی بھی صورت میں“ ایران کو ہتھیار فروخت نہیں کرے گا۔ انہوں نے کہا کہ روسی صدر ولادیمیر پوتن نے بھی ایسی ہی یقین دہانی کرائی تھی۔ ٹرمپ نے خبردار کیا تھا کہ کسی بھی قسم کی شمولیت ”ان کیلئے بہت نقصان دہ ہوگی۔“ واضح رہے کہ مئی میں ٹرمپ انتظامیہ نے ایران کے فوجی خریداری نیٹ ورک کی معاونت کے الزام میں متعدد چینی کمپنیوں پر پابندیاں عائد کی تھیں۔ بیجنگ نے ان الزامات کی تردید کی ہے۔

یہ بھی پڑھئے: روس پر۱۶۰۰؍ نئی پابندیوں کی منظوری دیدی گئی: یورپی یونین

دوسری جانب، ایرانی پارلیمنٹ کے ڈپٹی اسپیکر حمید رضا حاجی بابائی نے دعویٰ کیا ہے کہ واشنگٹن اپنے اتحادیوں کو متحد کرنے میں ناکام رہا ہے۔ سرکاری خبر رساں ایجنسی ارنا (IRNA) کے مطابق، بابائی نے کہا کہ اپنے اہداف کے حصول میں امریکہ ”تنہا کھڑا ہے۔“ انہوں نے ایران کے خلاف ٹرمپ کی حالیہ دھمکیوں کو ”امریکی مایوسی“ کا ثبوت قرار دیا۔ انہوں نے دلیل دی کہ حقیقی طاقت رکھنے والے کسی بھی ملک کو دھمکیوں کا سہارا لینے کی ضرورت نہیں پڑتی۔

قطر نے آبی گزرگاہوں کو محفوظ بنانے پر زور دیا

قطر کے امیر شیخ تمیم بن حمد آل ثانی نے شوریٰ کونسل کو بتایا کہ ”خلیج اور آبنائے ہرمز میں جہاز رانی کو محفوظ بنانے اور توانائی کی تنصیبات اور شہری بنیادی ڈھانچے کے تحفظ کیلئے کوششوں کو دوگنا کرنا ہوگا۔“ انہوں نے قطر پر ایرانی حملوں کو خلیجی ریاست کی ”خودمختاری کی صریح خلاف ورزی“ قرار دیا اور کہا کہ بات چیت سے وابستگی کا ”مطلب اپنے ملک کے دفاع میں نرمی برتنا نہیں ہے۔“ انہوں نے مزید کہا کہ خلیج تعاون کونسل (جی سی سی) کی ریاستوں کی سیکوریٹی پر ”سمجھوتہ نہیں کیا جا سکتا۔“ انہوں نے کہا کہ آبنائے ہرمز کی بندش اور راس لفان توانائی کی تنصیب کو پہنچنے والے نقصان نے قطر کی برآمدات کے ایک بڑے حصے کو متاثر کیا ہے۔

یہ بھی پڑھئے: ٹرمپ اور پوتن کے درمیان معاہدہ کی تفصیلات پر زیلنسکی کا اظہار حیرت

ایران میں معاشی دباؤ

ایران نے ضروری اشیاء اور ادویات کیلئے غیرملکی کرنسی کو محفوظ رکھنے کی خاطر ہوٹل مالکان اور بیرونِ ملک مقیم ایرانیوں کی جانب سے گاڑیوں کی درآمد کو عارضی طور پر معطل کر دیا ہے۔ حکومتی ترجمان فاطمہ مہاجرانی نے کہا کہ ”ملک کے خصوصی حالات کے پیشِ نظر“ صدر نے تمام غیر ترجیحی امور کیلئے غیر ملکی کرنسی کے اجرا کو روکنے کا حکم دیا ہے۔