آج ترکی کے غازی پاسا الانیہ ایئرپورٹ پر لینڈنگ کے دوران بوئنگ ۷۳۷؍ طیارے کا ٹائر پھٹ گیا۔ ۱۸۴؍ مسافر اور عملے کے ۶؍ افراد کو بحفاظت نکال لیا گیا ہے۔ اس طرح کا واقعہ گزشتہ دن فیڈ ایکس کے طیارے کے ساتھ ترکی ہی میں پیش آیا تھا۔
EPAPER
Updated: May 09, 2024, 6:56 PM IST | Ankara
آج ترکی کے غازی پاسا الانیہ ایئرپورٹ پر لینڈنگ کے دوران بوئنگ ۷۳۷؍ طیارے کا ٹائر پھٹ گیا۔ ۱۸۴؍ مسافر اور عملے کے ۶؍ افراد کو بحفاظت نکال لیا گیا ہے۔ اس طرح کا واقعہ گزشتہ دن فیڈ ایکس کے طیارے کے ساتھ ترکی ہی میں پیش آیا تھا۔
ترکی کی وزارت نقل و حمل نے کہا کہ جمعرات کو ترکی میں ایک طیارے سے کل ۱۹۰؍ افراد کو اس وقت بحفاظت نکال لیا گیا جب جنوبی ہوائی اڈے پر لینڈنگ کے دوران اس کا ایک ٹائر پھٹ گیا۔ تاہم، کسی مسافر یا جہاز کے عملے کو چوٹ نہیں آئی ہے۔ کمپنی نے بتایا کہ بوئنگ۷۳۷۔۸۰۰؍ جو ترکی کی کورنڈن ایئر لائنز کا ہے، بحیرۂ روم کے ساحلی قصبے الانیا کے قریب گازی پاسا ہوائی اڈے پر اترنے کے بعد رن وے پر بحفاظت رُک گیا۔
یہ بھی پڑھئے: سینیگال: ایئرپورٹ پر بوئنگ ۷۳۷؍ میں آگ لگ گئی، ۱۱؍ مسافر زخمی
The nose landing gear tires of Corendon Airlines` Boeing 737-800 aircraft, registered 9H-TJF, burst and wheel damaged while landing on Runway 08 of Gazipasa–Alanya Airport (GZP), Turkey earlier today.
— FL360aero (@fl360aero) May 9, 2024
After the tire burst, the plane rested on the front landing gear and the… pic.twitter.com/lAkQOkq6lj
اس طیارے میں ۱۸۴؍ مسافر اور عملے کے چھ ارکان سوار تھے۔ یہ جرمنی کے شہر کولون سے پرواز پر تھا۔ ترکی کی وزارت ٹرانسپورٹ اور انفراسٹرکچر نے طیارے کے اگلے گیئر کو نقصان پہنچانے کی اطلاع دی لیکن تفصیلات فراہم نہیں کیں۔ رن وے کو کوئی نقصان نہیں پہنچا لیکن پروازوں کو قریبی انطالیہ ہوائی اڈے کی طرف موڑ دیا گیا جبکہ حادثے کا شکار طیارے کو رن وے سے ہٹایا جا رہا تھا۔ یاد رہے کہ گزشتہ چند دنوں میں ترکی کے ہوائی اڈے پر اس قسم کا دوسرا واقعہ پیش آیا ہے۔
Dramatic video captured the moment a cargo plane made an emergency landing at Istanbul Airport after its front landing gear failed.
— ABC News (@ABC) May 9, 2024
No one was injured and the crew safely evacuated the aircraft, Turkey`s transportation and infrastructure minister said. https://t.co/J1cdwdUk6p pic.twitter.com/lE8hfdVwaE
بدھ کو فیڈ ایکس ایکسپریس سے تعلق رکھنے والے بوئنگ ۷۶۷؍ کارگو طیارے نے استنبول ہوائی اڈے پر ہنگامی لینڈنگ کی جب اس کا اگلا لینڈنگ گیئر فیل ہو گیا تھا۔ اس میں کوئی زخمی نہیں ہوا تھا اور سبھی کو طیارے سے بحفاظت نکال لیا گیا تھا۔