تنظیم علماء اہل سنت بھیونڈی کا بیان ،وزیر اعظم سے فلم پر پابندی کا مطالبہ۔

حالیہ دنوں منظر عام پر آنے والی فلم’ ادے پور فائلز ‘کے خلاف تنظیم علما ءاہل سنت، بھیونڈی نے سخت ردعمل ظاہر کیا ہے۔ تنظیم کے ایک وفد نے پرانت آفیسر کے دفتر پہنچ کر ایک میمورنڈم پیش کیا، جس میں اس فلم کی ریلیز پر فوری پابندی عائد کرنے کا مطالبہ کیا گیا۔تنظیم کا کہنا ہے کہ یہ فلم مسلمانوں کی شبیہ خراب کرنے، نبی کریم ؐ، ازواجِ مطہرات اور مسلم قوم کی دل آزاری کا باعث بن سکتی ہے۔ ان کے مطابق فلم کا مواد نہ صرف مسلمانوں کے مذہبی جذبات کو ٹھیس پہنچاتا ہے بلکہ ملک میں فرقہ وارانہ ہم آہنگی کو بھی متاثر کر سکتا ہے۔پرانت آفیسر چندرکانت شیو لال راجپوت نے وفد کو یقین دلایا کہ ان کے مطالبات حکومت اور سینسر بورڈ تک پہنچائے جائیں گے اور ضروری قانونی کارروائی کی جائے گی۔