یوئیفا (UEFA) نے محصور غزہ سے متعلق ایک بینر پیش کیا ہے جس پر لکھا ہے: ’’بچوں کا قتل بند کریں۔ شہریوں کا قتل بند کریں۔ ‘‘ یہ بینر بدھ کوپیرس سینٹ جرمین اور ٹوٹنہم کے درمیان ہونے والے یوئیفا سپر کپ میچ سے قبل دکھایا گیا۔

یوئیفا (UEFA) نے محصور غزہ سے متعلق ایک بینر پیش کیا ہے جس پر لکھا ہے: ’’بچوں کا قتل بند کریں۔ شہریوں کا قتل بند کریں۔ ‘‘ یہ بینر بدھ کوپیرس سینٹ جرمین اور ٹوٹنہم کے درمیان ہونے والے یوئیفا سپر کپ میچ سے قبل دکھایا گیا۔ یوئیفا نے بدھ کو ایک بیان میں پلیٹ فارم ’’ایکس‘‘ پر کہا:’’پیغام واضح ہے۔ ایک بینر۔ ایک پکار۔ ‘‘ میچ سے پہلے، جنگ سے متاثرہ علاقوں کے کئی بچوں نے یہ بینر تھاما، جن میں دو بچے غزہ سے بھی شامل تھے۔ یہ اقدام یوئیفا فاؤنڈیشن فار چلڈرن کے اس اعلان کے بعد سامنے آیا ہے کہ وہ مختلف خطوں میں جنگ سے متاثرہ بچوں کی مدد کرے گی۔ 

From the UEFA Super Cup in Udine, the message is loud and clear.

A banner. A call. pic.twitter.com/HNjPja4OBk

— UEFA (@UEFA) August 13, 2025

یہ واقعہ لیورپول کے محمد صلاح کی اُس تنقید کے بعد بھی آیا ہے جو انہوں نے یوئیفا کی فلسطینی فٹبالر سلیمان العبید کو دی جانے والی کمزور خراجِ عقیدت پر کی تھی۔ العبید کو ’’فلسطینی پیلے‘‘کے نام سے جانا جاتا تھا لیکن یوئیفا کے تعزیتی بیان میں نہ تو اُن کے قتل پر کوئی مذمت تھی اور نہ ہی یہ ذکر کہ انہیں اسرائیل نے غزہ میں قتل کیا۔ پچھلے ہفتے اپنے بیان میں یوئیفا نے کہا تھا کہ’’ العبیدایک ایسا ٹیلنٹ تھے جنہوں نے مشکل ترین وقتوں میں بھی بے شمار بچوں کو امید دی۔ ‘‘ صلاح نے اس بیان کو ری ٹویٹ کرتے ہوئے تبصرہ کیا: ’’کیا آپ ہمیں بتا سکتے ہیں کہ وہ کیسے، کہاں اور کیوں مارے گئے؟‘‘

Can you tell us how he died, where, and why? https://t.co/W7HCyVVtBE

— Mohamed Salah (@MoSalah) August 9, 2025

صلاح کی یہ تنقید، جو اُس وقت سے اب تک تقریباً۱۱؍ کروڑ۵۰؍ لاکھ بار دیکھی جا چکی ہے، نے یورپی فٹبال کی گورننگ باڈی پر شدید دباؤ ڈالا جس نے ہر طرح سے اسرائیل کا ذکر کرنے سے گریز کیا۔ یہ مصری فارورڈ، جو پہلے ہی پریمیئر لیگ کی تاریخ کے بہترین کھلاڑیوں میں شمار ہوتے ہیں، غزہ میں نسل کشی کے ابتدائی ہفتوں میں فائر بندی کا مطالبہ کر چکے ہیں اور محصور علاقے میں انسانی ہمدردی کی امداد داخل کرنے پر زور دے چکے ہیں۔