اقوام متحدہ کے ادارے برائے فلسطین نے انتباہ دیا ہے کہ غزہ میں دواؤں کی قلت کے سبب جلدی امراض میں اضافہ ہو رہا ہے، خطے میں عوام چوہوں، جوؤں، پسووں اور کیڑوں سمیت مختلف گھناؤنے کیڑوں میں اضافے کے باعث جلد کی بیماریوں میں تیزی سے مبتلا ہو رہے ہیں۔

اقوام متحدہ کے ادارہ برائے فلسطینی پناہ گزین (UNRWA) نے منگل کو کہا کہ اسرائیلی محاصرے میں قائم غزہ کی پٹی میں فلسطینی چوہوں، جوؤں، پسووں اور کیڑوں سمیت مختلف گھناؤنے کیڑوں میں اضافے کے باعث جلد کی بیماریوں میں تیزی سے مبتلا ہو رہے ہیں۔ادارے نے بتایا کہ اس کی صحت کی ٹیمیں ’’ہزاروں کی تعداد میں معاملات میں سے تقریباً۴۰؍ فیصد کا علاج کر رہی ہیں۔ ادارے کا کہنا تھا کہ ایسی بیماریاں عام طور پر ’’سادہ ادویات سے آسانی سے ٹھیک ہو سکتی ہیں‘‘، لیکن یہ ادویات اس وقت غزہ میں دستیاب نہیں ہیں۔
دریں اثناء اقوام متحدہ کی ایجنسی نے امریکی سوشل میڈیا کمپنی ایکس (X) پر اپنے بیان میں کہا کہ ’’غزہ میں بنیادی دوائیوں کی شدید قلت ہے اور بہت سے بچے ضروری علاج سے محروم ہیں۔‘‘ ادارے نے خبردار کیا کہ اگر غزہ میں بڑے پیمانے پر امداد کی فراہمی کی اجازت نہیں دی جاتی، ’’صورت حال مزید بگڑ سکتی ہے۔‘‘ واضح رہے کہ یہ انتباہ غزہ میں بگڑتی ہوئی انسانی صورتحال کے پیشِ نظر آیا ہے، جہاں طبی سامان کی قلت اور زندگی کے بگڑتے ہوئے حالات نے بیماریوں کے پھیلاؤ میں اضافہ کر دیا ہے۔
بعد ازاں غزہ کی وزارت صحت کے مطابق، اکتوبر۲۰۲۳ء سے غزہ پر اسرائیلی فوج کے مہلک حملوں میں ۷۲۶۰۰؍سے زیادہ افراد (جن میں زیادہ تر خواتین اور بچے ہیں) شہید ہو چکے ہیں اور ۱۷۲۰۰۰؍سے زیادہ زخمی ہیں۔گزشتہ اکتوبر سے جاری جنگ بندی کے باوجود، اسرائیل نے متفقہ مقدار میں انسانی امداد کو غزہ میں داخل ہونے کی اجازت دینے سے انکار کر دیا ہے۔ یہاں تقریباً۲۴؍ لاکھ فلسطینی (جن میں۱۵؍ لاکھ بے گھر افراد شامل ہیں) شدید انسانی بحران کا شکار ہیں۔