ایک کروڑ ۳۱؍ لاکھ کی ادائیگی میں ناکامی، کھاتہ منجمد، ملازمین کوتنخواہ بھی نہیں مل سکی

اتر پردیش اسٹیٹ حج کمیٹی کا بینک اکاؤنٹ منجمد کئے جانے کا معاملہ سنجیدہ ہوتا جارہا ہے۔ملازمین کو جنوری ماہ کی تنخواہ نہیں ہو پائی ہے جبکہ مسئلہ کب حل ہوگا کہنا فی الحال مشکل ہے۔حج کمیٹی کو اپنے ملازمین کی ای پی ایف کی رقم جمع کرنا ہے جو کل ایک کروڑ سے بھی تجاوز کرگئی ہے۔حالانکہ،اس میں حکومت کا بھی حصہ ہے۔
 دونوں طرف سے ملازمین کےای پی ایف او کھاتے میںبرسوں سےرقم جمع نہیں کرائی گئی ہے،اس لئے اکائونٹ کوسیز کر دیا گیا ہے۔  حج کمیٹی کے چیئرمین محسن رضا نےجلد اس مسئلے کو حل کر لینے کا دعویٰ کیا ہے۔ چیئرمین کے مطابق معاملے کے حل کیلئے حکومتی سطح پرتحریری طور پر مطلع کر دیا گیا ہے ،عنقریب ہی کوئی حل نکال لیا جائیگا۔
اترپردیش اسٹیٹ حج کمیٹی کا بینک اکاؤنٹ منجمد کئے جانے کا معاملہ بطور خاص ملازمین پر بھاری پڑنے لگا ہے۔انہیں جنوری کی تنخواہ نہیں مل پائی ہے۔معاملہ کے حل کےلئے حج کمیٹی اور متعلقہ محکمہ کے درمیان خط و کتابت کا سلسلہ جاری ہے۔