ایک ویڈیو سوشل میڈیا پر وائرل ہو رہی ہے جس میں ایک ہندوتوا گروپ کے ایک فرد کو ایک مزدور سے اپنا سامان باندھ کر جانے کو کہتے ہوئے دیکھا جا سکتا ہے۔

پی ٹی آئی کی رپورٹ کے مطابق، اتر پردیش کے ضلع ہاتھرس میں واقع ایک مندر میں دو مسلم مزدوروں کو ہندوتوا گروپ کے اراکین نے کام سے روک دیا، جس کی وجہ انہوں نے پہلگام میں ہونے والے دہشت گردی حملے کو بتایا۔ ایک ویڈیو بھی وائرل ہو رہی ہے جس میں ایک شخص کو شری بالکیشور مہادیو مندر کی تعمیراتی جگہ پر کام کرنے والے ایک مسلم مزدور کو کام بند کرنے کو کہتے ہوئے سنا جا سکتا ہے۔ ویڈیو میں ایک شخص مزدور سے کہتا ہے: ’’پہلگام کے دہشت گردی حملے میں ہندوؤں کو نشانہ بنا کر مارا گیا۔ اسی لیے ہم آپ کو ہمارے مندر میں کام کرنے سے روک رہے ہیں۔ تم لوگ...  ہندو مت کو نشانہ بنا رہا ہے اور ہندوؤں کو چن چن کر مار رہا ہے۔‘‘  

मुस्लिम युवक को काम से निकाल दिया गया…?

दैनिक भास्कर कि ख़बर के मुताबिक ये वीडियो यूपी हाथरस कि है, जहाँ श्री बलकेश्वर महादेव मंदिर पर कुछ हिंदूवादी संगठनों के सदस्यों ने वहां काम कर रहे मुस्लिम कर्मचारियों को काम करने से रोक दिया।

इसका करण उन्होंने पहलगाम आतंकी हमले को बताया। pic.twitter.com/IfyR6l9Sf6

— Ashraf Hussain (@AshrafFem) April 24, 2025

رپورٹ کے مطابق، مزدوروں کو ڈیموکریٹک ہیومن رائٹس ایسوسی ایشن کے سیکرٹری پروین ورشنی اور کچھ دیگر افراد نے روکا۔ گروپ نے مزدوروں کو کام بند کرنے کو کہا اور اعلان کیا کہ اب ان کی جائیدادوں پر مسلمانوں کو کام پر نہیں رکھا جائے گا۔ پی ٹی آئی کے مطابق، ورشنی نے کہاکہ ’’ دہشت گردی حملے کے خلاف غصہ پورے ہندوستان میں پھیل رہا ہے۔ ملک دہشت گردی کے خلاف حکومت کی طرف سے فیصلہ کن کارروائی کا مطالبہ کر رہا ہے۔ مندر کا باقی کام ہندو مزدور مکمل کریں گے۔‘‘