صدر دروپدی مرمو کی جانب سے ویتنام کے صدر کے اعزاز میں دیئے گئے ضیافت مینو اور اتر پردیش کے ضلع وار کھانوں کے نقشے نے سوشل میڈیا پر بحث اور مزاحیہ تبصروں کو جنم دیا۔ مینو میں ویج پکوانوں کی بھرمار اور غیر روایتی انتخاب پر صارفین نے مختلف میمز اور تنقیدی ردعمل کا اظہار کیا۔

دروپدی مرمو کی جانب سے ویتنام کے صدر تُو لام (Tô Lâm) کے اعزاز میں دیئے گئے ضیافت کے مینو اور اتر پردیش کے ضلع وار کھانوں کے نقشے نے سوشل میڈیا پر میمز اور طنزیہ تبصروں کی بھرمار کر دی ہے۔ بہت سے لوگوں نے اس بات پر توجہ دلائی کہ مینو میں نان ویجیٹیرین پکوان شامل نہیں تھے اور ’’خوردنی تیل‘‘ کو ایک خاص ڈش کے طور پر پیش کیا گیا تھا۔ 

Menu of the banquet hosted by President Murmu in honour of Vietnam president To Lam pic.twitter.com/ljZmOA81A9

— Sidhant Sibal (@sidhant) May 6, 2026

صدارتی ضیافت کے مینو میں شامل اشیاء میں بھری ہوئی بروکلی، جسے’’ولایتی گوبھی‘‘ کے نام سے درج کیا گیا تھا، کے علاوہ مٹر اور گاجر کی بھجیا، اور باجرے کی کھچڑی شامل تھیں۔ مصنف اور کالم نگار راج یشری سین نے اسے’’انتہائی غیر تخلیقی مینو، ہندوستانی سبزی خور کھانے کی سب سے خراب مثال‘‘ قرار دیا۔ انہوں نے مزید کہا’’ایسے ملک کے صدر کو یہ پیش کرنا جو خود معمولی سے معمولی بے ذائقہ کھانا بھی پیش کرنے سے قاصر ہے، شرم کی بات ہے۔‘‘

What an utterly unimaginative menu - the worst of Indian vegetarian food. And to serve this to the President of a country which is incapable of serving even one tasteless meal, even in the simplest home. Shame. https://t.co/A0HJRRpJpx

— Brown Sahiba (@Rajyasree) May 7, 2026

ایک اور سوشل میڈیا صارف ودیت بھارگوا نے کہا کہ’’مٹر والا چاول یا چاول مٹر کے ساتھ اور کھچڑی جیسے کھانے عموماً خراب صحت یا پیٹ خراب ہونے کی حالت میں کھائے جاتے ہیں۔‘‘

I looked at this menu with a sadness that what would once look like the menu for an average Delhi restaurant is what’s being served at the Presidents’ dinner.

Dal Amritsari is still there but Chawal Matar and Khichdi?! Why would you serve food that’s eaten on an upset stomach!? https://t.co/weTObCuR88

— Vidit Bhargava (@viditb) May 7, 2026

اسی طرح ایک اور صارف منوہر کاناپاکا نے اس مینو کو’’قحط کے زمانے کی خوراک جیسا المیہ‘‘ قرار دیا۔ 
دیگر سوشل میڈیا صارفین نے مینو اور کھانوں کے نقشے پر میمز اور جیف شیئر کرتے ہوئے ردعمل دیا۔ بتا دیں کہ ایک روز قبل میڈیا رپورٹس میں بتایا گیا تھا کہ اتر پردیش حکومت نے ’’ون ڈسٹرکٹ ون کُزین‘‘اسکیم کے تحت ضلع وار کھانوں کا نقشہ جاری کیا ہے۔ اس منصوبے کے تحت ریاست کے۷۵؍ اضلاع میں سے ہر ضلع کو ایک خاص پکوان کے ساتھ برانڈنگ، مارکیٹنگ اور برآمدات کیلئے منسلک کیا جائے گا۔ 

یہ بھی پڑھئے: یوپی: ۷۵؍ اضلاع کے بہترین پکوانوں کی فہرست جاری، بریانی اور گلوٹی کباب جیسے نان ویج پکوان نظر انداز