وینزویلا کی قائم مقام صدر ڈیلسی روڈریگز نے امریکی صدر ڈونالڈ ٹرمپ پر شدید حملہ کیا ہے۔ انہوں نے ٹرمپ پر’توانائی کے لالچ‘ کا الزام لگایا اور منشیات کی اسمگلنگ اور انسانی حقوق کی خلاف ورزیوں کے ان کے دعوؤں کو غلط قرار دیا۔

وینزویلا کی قائم مقام صدر ڈیلسی روڈریگز نے امریکی صدر ڈونالڈ ٹرمپ پر شدید حملہ کیا ہے۔ انہوں نے ٹرمپ پر’توانائی کے لالچ‘ کا الزام لگایا اور منشیات کی اسمگلنگ اور انسانی حقوق کی خلاف ورزیوں کے ان کے دعوؤں کو غلط قرار دیا۔ یہ الزامات ان کے پیشرو صدر نکولس مادورو کے دور میں لگائے گئے تھے۔ وینزویلا کی پارلیمنٹ سے خطاب کرتے ہوئے ڈیلسی روڈریگزنے کہا کہ وینزویلا ایک بڑی توانائی کی طاقت ہے۔ انہوں نے کہا کہ یہی وجہ ہے کہ ملک کو بہت سے مسائل کا سامنا ہے کیونکہ شمال کے توانائی کے بھوکے ممالک وینزویلا کے وسائل پر نظریں جمائے ہوئے ہیں۔ 

یہ بھی پڑھئے: گرین لینڈ پر امریکہ کی نظریں، ڈنمارک کا پرانا فوجی قانون اب بھی نافذ العمل

ان کا یہ بیان ڈونالڈ ٹرمپ کے اس دعوے کے بعد سامنے آیا ہے کہ امریکہ کو وینزویلا کی حکومت کا مکمل تعاون مل رہا ہے اور امریکہ آنے والے کئی برسوں تک وینزویلا اور اس کے تیل کے ذخائر پر اپنا کنٹرول برقرار رکھے گا۔ ٹرمپ نے یہ بھی کہا کہ وینزویلا امریکہ کو ہر وہ چیز فراہم کر رہا ہے جو ضروری سمجھا جاتا ہے۔ ڈیلسی روڈریگز نے واضح کیا کہ وینزویلا امریکہ کے ساتھ کسی بھی یکطرفہ معاہدے کو قبول نہیں کرے گا۔ انہوں نے کہا کہ ان کا ملک توانائی کے ایک ایسے رشتے کیلئے تیار ہے جس سے تمام فریقین کو فائدہ پہنچے اور اس کی وضاحت تجارتی معاہدے میں واضح طور پر کی گئی ہو۔ اس سے قبل ڈیلسی روڈریگز نے وینزویلا کے امریکہ کے ساتھ تیل کی تجارت کھولنے کے فیصلے کا دفاع کیا تھا۔ انہوں نے کہا کہ نکولس مادورو کو اقتدار سے ہٹانے کی امریکی کوششوں سے دونوں ممالک کے تعلقات خراب ہوئے لیکن اس کے باوجود امریکہ کے ساتھ کاروبار کرنا نہ تو غیر معمولی تھا اور نہ ہی غلط۔