وینزویلا میں مادورو کی حکومت کے خاتمے کے بعد پہلی بار اسرائیلی فوجیوں کی موجودگی درج کی گئی، `اسرائیلی میڈیا کے مطابق، زلزلے سے متاثر ملک میںبھیجی گئی پیشگی ٹیم میں ہوم فرنٹ کمانڈ کے چیف آف اسٹاف بریگیڈیئر جنرل ایلاد ادری اور وزارت خارجہ کے حکام شامل ہیں۔

`اسرائیل نے حالیہ زلزلوں کے بعد وینزویلا میں ایک فوجی قیادت والا وفد تعینات کیا ہے۔ یہ مشن سابق صدر نکولس مادورو کی معزولی کے بعد کرا کاس میں اسرائیلی فوجی افسران کی پہلی سرکاری طور پر اعلان کردہ موجودگی کی علامت ہے۔اسرائیلی میڈیا کے مطابق پیشگی ٹیم میں ہوم فرنٹ کمانڈ کے چیف آف اسٹاف بریگیڈیئر جنرل ایلاد ادری اور وزارت خارجہ کے حکام شامل ہیں۔ وفد نے وینزویلا کے حکام اور ہنگامی اہلکاروں سے نقصانات کا جائزہ لینے اور تلاش، بچاؤ اور بحالی کارروائیوں کو مربوط کرنے کے لیے ملاقاتوں کا آغاز کر دیا ہے۔

یہ بھی پڑھئے: نیتن یاہو کی عالمی سطح پر رسوائی، دوسرے بیٹے نے بھی باپ کا نام ہٹا دیا

واضح رہے کہ یہ مشن مادورو کی معزولی کے بعد کرا کاس میں حکومت کی تبدیلی کے بعد اسرائیلی فوجی افسران کی پہلی باضابطہ تعیناتی ہے، جس نے وینزویلا اوراسرائیل کے درمیان برسوں سے منجمد تعلقات کا خاتمہ کر دیا ہے۔توقع ہے کہ وفد کے مزید اراکین آئندہ دنوں میں پہنچیں گے۔ بعد ازاں  تیاریاں مکمل ہونے کے بعد، ٹیم مقامی حکام کے ساتھ مل کر کام کرے گی، اور آفات سے نمٹنے اور زلزلہ بحالی میں تکنیکی مہارت فراہم کرے گی۔
ذہن نشین رہے کہ ۲۴؍ جو وینزویلا میںزلزلے آئے، جنہوں نے کرا کاس، لا گوایرا اور آس پاس کے علاقوں میں بڑے پیمانے پر نقصان پہنچایا۔ بچاؤ کی کوششیں جاری ہیں جبکہ حکام زندہ بچ جانے والوں کی تلاش اور بے گھر ہونے والے شہریوں کی مدد کر رہے ہیں۔اس مشن کو وینزویلا اوراسرائیل کے تعلقات میں ایک اہم موڑ سمجھا جا رہا ہے، اس کی وجہ یہ ہے کہ مادورو کے دور میں سفارتی تعلقات منقطع ہو گئے تھے۔ 

یہ بھی پڑھئے: ’’ نیتن یاہو کی پالیسیاں دنیا کیلئے خطرہ ہیں ‘‘

دریں اثناء نئی وینزویلا حکومت نے بین الاقوامی امداد کے لیے دروازے کھول دیے ہیں، جس کے نتیجے میںاسرائیل سمیت کئی ممالک نے اپنی مدد کی پیشکش کی ہے۔زلزلے سے متاثرہ علاقوں میں اب بھی بجلی اور پانی کی فراہمی متاثر ہے، اوراسپتالوں میں زخمیوں کے داخلے  کا سلسلہ جاری ہے۔ `اسرائیلی ٹیم اپنے جدید آلات اور تجربے کے ذریعے مقامی ٹیموں کی مدد کرنے کے لیے پرعزم ہے، خاص طور پر ملبے تلے دبے افراد کی تلاش اور عمارتوں کے استحکام کے جائزے میں۔ماہرین کا خیال ہے کہ یہ تعاون مستقبل میں دونوں ممالک کے تعلقات کو مزید بہتر بنا سکتا ہے، اگرچہ ابھی تک کوئی باضابطہ سفارتی بحالی کا اعلان نہیں کیا گیا ہے۔