ودیا بالن انیس بزمی کی نئی فلم میں اکشے کمار کے ساتھ جلوہ گر ہو رہی ہیں۔انیس بزمی کی ہدایت کاری میں بننے والی اکشے کمار کی آنے والی فلم کے لیے مرکزی اداکارہ کو فائنل کر لیا گیا ہے۔

انیس بزمی کی ہدایت کاری میں بننے والی اکشے کمار کی آنے والی فلم کے لیے مرکزی اداکارہ کو فائنل کر لیا گیا ہے۔ رپورٹس کے مطابق فلم میں ودیا بالن اہم کردار ادا کریں گی۔ یہ اکشے اور انیس بزمی کے ۱۴؍ سال بعد دوبارہ ملاپ کی نشاندہی کرتا ہے- انہوں نے پہلے تھینک یو (۲۰۱۱ء) میں ایک ساتھ کام کیا تھا۔یہ فلم اکشے اور ودیا بالن کو بھی ۶؍ سال بعد دوبارہ اکٹھا کرے گی۔ انہیں آخری بار مشن منگل (۲۰۱۹ء) میں ایک ساتھ دیکھا گیا تھا۔ 
 اس سے پہلے، ان کی جوڑی نے فلم ہے بے بی (۲۰۰۷ء)، بھول بھولیا (۲۰۰۷ء)  اور مشن منگل جیسی کامیاب فلموں میں ناظرین کے دل جیت لیے۔ایچ ٹی سٹی کی ایک رپورٹ کے مطابق  اکشے اور ودیا کی آن اسکرین کیمسٹری ہمیشہ ہی شاندار رہی ہے۔ آف اسکرین بھی ان کے درمیان اچھے تعلقات ہیں۔ جب ودیا کا نام سامنے آیا تو پوری ٹیم نے فوراً اتفاق کیا۔ فلم میں دو خواتین  ہوں گی، جن میں سے ایک ودیا ہوں گی۔

یہ بھی پڑھئے:’’تھری ایڈیٹس‘‘ کے سیکوئل کا عنوان ’’فور ایڈیٹس‘‘ ہوگا،جس میں ایک نیا اسٹار بھی ہوگا

اکشے کمار کو آخری بار سبھاش کپور کی جولی ایل ایل بی۳؍ میں دیکھا گیا تھا۔ اس قانونی کامیڈی ڈرامے میں ارشد وارثی، سوربھ شکلا، امریتا راؤ، ہما قریشی، گجراج راؤ، سیما بسواس، رام کپور، اور شلپا شکلا، اور دیگر نے اداکاری کی تھی۔ اس فلم کو اسٹار اسٹوڈیوز اور کانگڑا ٹاکیز نے پروڈیوس کیا تھا۔اکشے کی فلم حیران  بھی خبروں میں ہے جو ۲۰۲۶ء میں ریلیز ہونے والی ہے۔ فلم میں تبو بھی اہم کردار ادا کر رہی ہیں۔ شوبھا کپور اور ایکتا آر کپور کی بالاجی ٹیلی فلمز اسے اکشے کی کیپ آف گڈ فلمز کے ساتھ مل کر پروڈیوس کر رہی ہیں۔

یہ بھی پڑھئے:گوتم گمبھیر کو کوچ نہیں بلکہ ٹیم منیجر ہونا چاہیے: کپل دیو

۵۸؍ سالہ اکشے کمار ’حیوان‘ میں منفی کردار میں نظر آئیں گے۔ اس فلم میں سیف علی خان، شریا پلگاؤنکر اور سیامی کھیر بھی ہیں۔ یہ فلم ملیالم تھرلر اوپم (۲۰۱۶ء) سے متاثر ہے، جس میں موہن لال نے مرکزی کردار ادا کیا ہے اور اس کی ہدایتکاری پریہ درشن نے کی ہے۔اکشے کمار بھی کامیڈی  میں واپسی کر رہے ہیں۔ وہ احمد خان کی فلم ویلکم ٹو دی جنگل میں نظر آئیں گے۔ اس ملٹی اسٹارر میں دیشا پٹانی، پریش راول، سنجے دت، روینہ ٹنڈن، جیکولین فرنانڈیس، جیکی شراف، لارا دتہ، راجپال یادو، ارشد وارثی، شریاس تلپڑے، کرشنا ابھیشیک، کیکو شاردا، جانی لیور اور سنیل شیٹی جیسے کئی بڑے نام ہیں۔ تاہم ویلکم ٹو دی جنگل کی ریلیز کی تاریخ کا ابھی اعلان نہیں کیا گیا ہے۔