بمسٹیک ممالک  کے ماہرین کیلئے خصوصی کینسر کیئر ٹریننگ پروگرام کے دوسرے مرحلے کا باقاعدہ آغاز یہاں ٹاٹا میموریل سینٹر کے ہومی بھابھا کینسر اسپتال اور ریسرچ سینٹر میں کیا گیا۔

بمسٹیک ممالک  کے ماہرین کیلئے خصوصی کینسر کیئر ٹریننگ پروگرام کے دوسرے مرحلے کا باقاعدہ آغاز یہاں ٹاٹا میموریل سینٹر کے ہومی بھابھا کینسر اسپتال اور ریسرچ سینٹر میں کیا گیا۔ وزارت خارجہ کے تعاون سے منعقد ہونے والے اس تربیتی پروگرام میں بمس ٹیک ممالک کے ۳۵؍ کینسر کی دیکھ بھال کے ماہرین کو تربیت دی جائے گی۔ یہ اقدام علاقائی صحت کی صلاحیت کی تعمیر میں ہندوستان کے بڑھتے ہوئے کردار کی عکاسی کرتا ہے۔اس پروگرام کا افتتاح   وزارت خارجہ میں بمس ٹیک اور سارک امور کے جوائنٹ سیکریٹری سی ایس آر رام نے کیا۔ اپنے خطاب میں انہوں نے بتایا کہ بمس ٹیک کے رکن ممالک بشمول بنگلہ دیش، بھوٹان، میانمار، سری لنکا، تھائی لینڈ اور نیپال سے کینسر کی دیکھ بھال کے پیشہ ور افراد تربیتی پروگرام میں حصہ لے رہے ہیں۔ انہوں نے کہا کہ خطے میں کینسر کے بڑھتے ہوئے  معاملات اور معیاری علاج تک غیر مساوی رسائی کے پیش نظر مہارت کی ترقی اور ادارہ جاتی صلاحیت کی تعمیر انتہائی اہم ہو گئی ہے۔وزارت خارجہ کی اس پہل کا اعلان وزیر اعظم مودی نے ۶؍ویں بمس ٹیک چوٹی کانفرنس میں کیا تھا۔ یہ چارہفتے کا  تربیتی پروگرام  ہے۔