ترنمول کانگریس کے سینئر لیڈر گوتم دیب نے ریاستی محکمہ سیاحت کے ”غیر سنجیدہ“ رویے پر تنقید کرتے ہوئے کہا کہ ریلیز سے قبل ویڈیو کا جائزہ لیا جانا چاہئے تھا۔ موجودہ وزیرِ سیاحت شنکر گھوش نے اس کلپ کا دفاع کرتے ہوئے کہا کہ یہ صرف لوگو کی نقاب کشائی کیلئے دکھائی گئی تھی اور یہ اصل تشہیری ویڈیو نہیں تھا۔ انہوں نے کہا کہ وہ تکنیکی خرابی کی وجہ سے تاخیر کا شکار ہوئی اور بعد میں سوشل میڈیا پر الگ سے شیئر کی گئی۔

مغربی بنگال حکومت کو اپنے سیاحتی تشہیری ویڈیو بعنوان ”مغربی بنگال: وہ جگہ جہاں ہندوستان کچھ الگ محسوس ہوتا ہے“ جاری کرنے کے بعد تنقیدوں کی زد میں آگئی ہے۔ اس ویڈیو میں ایفل ٹاور، اہرامِ مصر، بگ بین، کریملن اور کرائسٹ دی ریڈیمر جیسے عالمی تاریخی مقامات دکھائے گئے ہیں لیکن ہاوڑہ پل کی ایک مختصر جھلک کے علاوہ خود ریاست کے سیاحتی مقامات کو بمشکل ہی دکھایا گیا۔ 

West Bengal govt unveils new logo & branding for #Bengal tourism

New tagline "Where India feels different" pic.twitter.com/rgXo3J20Nx

— Indrajit Kundu | ইন্দ্রজিৎ (@iindrojit) September 4, 2026

دھنو دھانیا آڈیٹوریم میں جمعہ کو جاری کئے گئے اس ویڈیو نے ناظرین کو جیزہ، ماسکو، پیرس اور ریو ڈی جنیرو کی سیر کرائی، جہاں ان غیر ملکی پس منظروں پر اینیمیشن کے ذریعے ”ویسٹ بنگال“ کے الفاظ ابھرتے دکھائی دیے۔ ریاست کے اندر مقبول ترین مقامات، دارجلنگ اور دیگھا، کو اسکرین پر کوئی جگہ نہیں دی گئی۔ وزیر اعلیٰ سویندو نے اعلان کیا کہ سیاحت کے فروغ اور بنیادی ڈھانچے کیلئے ۵۰۰ کروڑ روپے مختص کئے گئے ہیں تاکہ ان مسافروں کو راغب کیا جا سکے جو بصورتِ دیگر سکم کا رخ کر سکتے تھے۔

یہ بھی پڑھئے: رکن پارلیمان سپریا سُلے کا موجودہ تعلیمی نظام پر تشویش کا اظہار

اس ویڈیو کا آن لائن بڑے پیمانے پر تمسخر اڑایا گیا۔ سوشل میڈیا صارفین نے سوال اٹھایا کہ آیا اس کا مقصد بنگال کے اندر سیاحت کو فروغ دینا تھا یا لوگوں کو بنگال سے باہر بھیجنا۔ کولکاتا نائٹ رائیڈرز (کے کے آر) ٹیم کے سابق ڈائریکٹر جوئے بھٹاچارجیا نے فیس بک پر یہ کہتے ہوئے طنز کیا کہ ”انہیں پتہ چلا ہے کہ عالمی تاریخی مقامات بظاہر اب بنگال ہی میں واقع ہیں۔“

ترنمول کانگریس کے سینئر لیڈر گوتم دیب نے ریاستی محکمہ سیاحت کے ”غیر سنجیدہ“ رویے پر تنقید کرتے ہوئے کہا کہ ریلیز سے قبل ویڈیو کا جائزہ لیا جانا چاہئے تھا۔ موجودہ وزیرِ سیاحت شنکر گھوش نے اس کلپ کا دفاع کرتے ہوئے کہا کہ یہ صرف لوگو کی نقاب کشائی کیلئے دکھائی گئی تھی اور یہ اصل تشہیری ویڈیو نہیں تھا۔ انہوں نے کہا کہ وہ تکنیکی خرابی کی وجہ سے تاخیر کا شکار ہوئی اور بعد میں سوشل میڈیا پر الگ سے شیئر کی گئی۔ ریاستی حکومت کی جانب سے سنیچر کے روز ایک نیا ویڈیو جاری کیا گیا جس میں بنگال کے پہاڑ، چائے کے باغات، جنگلات اور ساحل دکھائے گئے۔

یہ بھی پڑھئے: ’’جب تک لڑکیاں مجھے فالو نہیں کریں گی، میں پٹری سے نہیں ہٹوں گا...‘‘

دیب نے شاہ رخ خان کے اشتہار پر مشتمل سابقہ مہمات ”بیوٹی فل بنگال“ اور ”ایکسپیرینس بنگال — دی سویٹسٹ پارٹ آف انڈیا“ کا حوالہ دیا اور کہا کہ اس مؤثر برانڈنگ نے ۲۰۲۴ء میں غیر ملکی سیاحوں کی آمد کے لحاظ سے ریاست کو قومی سطح پر دوسرے نمبر پر لانے میں مدد کی تھی۔ گھوش نے کہا کہ حکومت اب بنیادی ڈھانچے کی مسلسل ترقی کے ساتھ ساتھ بنگال کو ملکی اور عالمی سطح پر ایک پرکشش مقام کے طور پر پیش کرنے کے منصوبے تیار کر رہی ہے۔